“Тэрбум мод” үндэсний хөдөлгөөний хүрээнд “Бүх нийтийн мод тарих өдрүүд”-ийг улсын хэмжээнд 09 дүгээр сараас 10 дугаар сарыг дуустал хугацаанд зохион байгуулж байна.
Өнгөрсөн амралтын өдрүүдэд Улаанбаатар хотын гурван байршилд гэхэд л төрийн болон хувийн хэвшлийн 225 байгууллага, аж ахуйн нэгжийн 2,500 гаруй хүн 12 төрлийн 3,500 орчим тарьц, суулгац тарилаа.
“Үндэсний цэцэрлэгт хүрээлэн”-д 65 байгууллага 500, “Олон улсын эко цэцэрлэгт хүрээлэн”-д 50 байгууллага 500 мод, 1,500 сөөг, “Шинэ Налайх” цэцэрлэгт хүрээлэнд 90 орчим байгууллага 500 мод, 500 сөөг тарьжээ.
Намрын мод тарих өдрүүдэд ерөнхий боловсролын сургуулийн сурагчид мөн сайн дураар оролцсон байна.
Намрын мод тарилтаар улсын хэмжээнд 18 мянга гаруй байгууллага, аж ахуйн нэгж, иргэн хоёр сая гаруй мод тарьсан бөгөөд аймаг, сум, дүүргүүдэд тарьц, суулгацын үзэсгэлэн худалдаа гаргажээ.
Харин өнгөрсөн хавар 3,400 гаруй байгууллага, аж ахуйн нэгж, 185 мянга гаруй иргэн 8 сая 400 гаруй мянган мод тарьсан юм.
“Тэрбум мод” үндэсний хөдөлгөөн хэрэгжиж эхэлснээс хойш улсын хэмжээнд 117 сая мод тарьж, ургуулж байна. 2030 он хүртэлх хугацаанд уул уурхайн томоохон аж ахуйн нэгжүүд 608 сая, аймаг, нийслэл 680 гаруй сая мод тарьж ургуулна.
Монгол Улсын Ерөнхийлөгчийн 2021 оны 58 дугаар зарлигаар жил бүрийн хавар, намар бүх нийтээр мод тарьж, арчилж, ургуулдаг болсон юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
