Замын хураамжаас асар их мөнгө “хуримтлуулж” “тансагладаг” тухай нүүрс тээврийн жолооч нар төдийгүй “Эрдэнэс Монгол” ХХК-ийн ажилтнууд бухимдан ярьцгааж байна.
Тодруулбал, “Эрдэнэс тавантолгой” ХК-ийн Тавантолгойн нүүрсний уурхайгаас Гашуунсухайтын хилийн боомт хүртэл 239 км нүүрс тээврийн хатуу хучилттай авто замын төлбөр хураамжийг “Эрдэнэс Монгол” ХХК-ийн харьяа “Гашуунсухайт автозам” ХХК төвлөрүүлдэг. Түүнчлэн засвар арчлалтыг нь хариуцах үүрэгтэй газар.
Гашуун сухайтын авто замаар нүүрс тээвэрлэж буй жолоо нараас замын хураамж гэж сардаа 15-20 тэрбум, жилдээ ойролцоогоор 100-200 орчим тэрбум төгрөгийг тус компани төвлөрүүлдэг ч тэр мөнгө “Эрдэнэс Монгол” ХХК-ийн захирал С.Наранцогт, “Гашуунсухайт автозам” ХХК-ийн гүйцэтгэх захирал З.Амарсанаа тэргүүтний гадаад томилолт, хурал зөвлөгөөн, цалин хангамж болон “зарцуулагдаж” байх аж.
2024 оны сонгуулийн өмнөхөн З.Амарсанааг “Гашуунсухайт автозам” ХХК-ийн Гүйцэтгэх захирлаар томилсон байдаг бөгөөд нэр бүхий улс төрчидтэй ойр, тэдний “гар хөл” хийж явсан нэгэн. Түүнчлэн дэд бүтэц, ложистикийн газрын захирлаар Л.Нямбаяр гэгчийг томилсон нь бий.
Гэтэл чухамдаа С.Наранцогтын шууд удирдлагын дор ажиллах эдгээр нөхдүүд нүүрс тээврийн жолооч нарын амь нас, эд хөрөнгө, компаниудын хөрөнгө мөнгөөр “тансаглан”, “туйлж” буйг тус компанид ажилладаг шударга ажилчид хэлж байна.
“Гашуунсухайт автозам” ХХК-ийн Гүйцэтгэх захирал З.Амарсанаа гэхэд өөрөө нүүрс тээврийн компаниудын эзэдтэй хамтрагчид байсан аж.
Нүүрс тээврийн компаниудаас замын хураамж төвлөрүүлдэг газрын дарга нь ийм ашиг сонирхолтой байх агаад төвлөрүүлсэн мөнгө хаана, юунд, хэнд зарцуулагдаж байгаа нь ил бус байгаа нь анхаарал татаж буй.
Түүнчлэн С.Наранцогт, З.Амарсанаа, Л.Нямбаяр тэргүүтэй нөхдүүд автозамын засвар арчлалтын тендерүүдийг тал тохой татаж, ашиг сонирхолын зөрчилтэй этгээдүүдэд бэлэглэдэг эсэх, Гашуун сухайтын автозамаар нүүрс тээвэрлэгч компаниудаас илүү төлбөр авч санхүүгийн зөрчил үүсгэдэг талаар ч тээврийн компаниуд гомдоллож байна.
С.Наранцогт нь авто замын хураамжийн мөнгөөр олон хэвлэл мэдээллийн байгууллагуудтай хаалтын гэрээ хийж, тэрбайтугай улс төрийн зорилгоор хэн нэгнийг харлуулах ажилд тэрбум тэрбумаар нь зарцуулдаг талаар Хууль зүйн сайд Б.Энхбаяр “Лхагвын тойм” нэвтрүүлгээр баримттай ярьж байдаг.
“Ардын хөрөнгө” дээр суучихаад ажил ч хийдэггүй, замын засвар ч хийдэггүй, энхэл донхол, эвдрэл, гэмтэлтэй замаар үй түмэн жолооч нарыг явуулж байгаадаа сэтгэл нь зовохгүй “зөөлөн суудалд” тухлан суух ”С.Наранцогт нь автозамын хураамжийн төлбөрийг “үргүй” зарцуулж, “туйлсаар байгааг хэдий болтол хүлцэж, толгойг нь илэх вэ?
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
