УИХ-ын гишүүн Х.Булгантуяа болон Хөгжлийн банкны гүйцэтгэх захирал асан З.Нарантуяа нарын албан тушаалын асуудал олон нийтийн анхаарлын төвд байна. Тэднийг албан тушаалаас чөлөөлөх, улс төрийн шахалт үзүүлэх оролдлого удаа дараа явагдснаар өнөөдөр биелэлээ олж БУУЛГАЖ чадлаа.
УИХ-ын дэд дарга асан Х.Булгантуяагийн хувьд намын дотоод байр суурийн тэмцэл, улс төрийн нөлөөллийн асуудалд “”ГҮНЗГИЙ” нэвчиж, эрх мэдлийн төлөөх бүлэг этгээдүүдийн дайралтын БАЙ болох нь тэр. Хөгжлийн банкны гүйцэтгэх захирлаар ажиллаж байсан З.Нарантуяа “хууль зөрчиж томилогдсон” гэх үндэслэлээр чөлөөлөгдсөн нь ч олны анхаарал татав. Тэрбээр банкны засаглал, зээлийн нөхцөл сайжруулах чиглэлд тодорхой ажлууд хийсэн гэж үздэг ч түүнийг огцруулах шийдвэр нь улс төрийн нөлөөтэй байсан нь илхэн.
Улс төр судлаачдын үзэж буйгаар, Х.Булгантуяа болон З.Нарантуяа нарын орон зай, албан тушаал нь МАН, АН-ын дотоод эрх мэдлийн хуваарилалтад чухал байр суурь эзлэх агаал албан тушаалаас буулгах оролдлого нь тодорхой бүлэглэлүүдийн улс төр, эдийн засгийн ашиг сонирхолтой холбоотой байх магадлалтай гэж үзэх нь бий.
“Томилгоо, чөлөөлөлт хоёр улс төрийн нөлөөнд автсан үед байгууллагын тогтвортой байдал алдагдаж, олон нийтийн итгэл буурдаг. Энэ бол манай системийн суурь асуудал,” гэж улс төр судлаач үзжээ.
Нийгэм, улс төрийн үр дагавар эдгээр өөрчлөлтүүд нь улс төрийн албан тушаалын “тоглолт” улам ширүүсэж байгааг харуулж байна. Томилгоо, чөлөөлөлт ил тод бус, ашиг сонирхлын нөлөөн дор явагдвал төрийн байгууллагын хариуцлага, итгэлцэлд сөргөөр нөлөөлөх эрсдэлтэй гэж мэргэжилтнүүд анхааруулж байна.
Х.Булгантуяа, З.Нарантуяа нарын асуудал нь зөвхөн хоёр хүний хувь заяаны асуудал бус, улс төрийн нам доторх хүчний тэнцвэр, эдийн засгийн ашиг сонирхлын зөрчлийг ил гаргасан үйл явдал болж байна.
Ардын намаас Х.Булгантуяа, Ардчилсан намаас З.Нарантуяа нар яах аргагүй улс төрч ЛИДЕР ЭМЭГТЭЙЧҮҮД. Шилдэг боловсон хүчин, чадвар манлайлагчид. Гагцхүү улс төрийн “зодоон”-д эмэгтэйчүүдээр “туг тахиж” тэднийг албан тушаалаас буулгаж, эрх мэдлээс ангид байлгахаар улайрч буй нь хэсэг бүлэг этгээдүүдийн хүсэл биелж байгаа гэлтэй.
Like
1
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
