Өнөөдөр дэлхийн гар угаах өдөр тохиож байна. Энэхүү өдрийн тохиолдуулан сурагчдийн дунд "Цэвэр гар" сэдэвт уран зургийн уралдаан зарлажээ. Тус уралдааны дүнг өнөөдөр танилцуулж Баянгол дүүргийн Иргэдийн Төлөөлөгчдийн Хурал, Нийгмийн хөгжлийн хорооны дарга Ц.Түмэндэмбэрэл хүүхдүүдэд шагналыг нь гардуулсан.
Тэрээр: “Сурагчдаас ирүүлсэн бүтээлүүд цар тахалтай хүнд хэцүү үеийг тусгаж, эх дэлхийн амар тайван байхыг бэлгэджээ. Хүүхэд бүхний хүсэл биеллээ олж амар тайван цаг удахгүй ирнэ гэдэгт итгэж байна. Бүтээлээ ирүүлсэн бүх хүүхдүүдэд сурлагын өндөр амжилт хүсье” хэмээн хэллээ.
2008 онд НҮБ-ын Ерөнхий Ассамблейгаас жил бүрийн 10 дугаар сарын 15-ны өдрийг “Дэлхийн гар угаах өдөр” болгон зарласан байдаг. Энэ удаагийн Гар угаах өдөр "БИДНИЙ ИРЭЭДҮЙ БИДНИЙ ГАРТ - ХАМТДАА УРАГШАА ТЭМҮҮЛЦГЭЭЕ" уриагаар онцлогдсон юм.
Гараа тогтмол савандаж угаах нь олон төрлийн халдварт өвчнөөс урьдчилан сэргийлэхийн үндэс. Үүнд:
-Суулгалт өвчин тусах магадлалыг 30-40 хувь
-Амьсгалын замын цочмог халдвар авах магадлалыг 20 хувиар бууруулдаг.
-Холер, Эбола, SARS, Гепатит Е зэрэг цочмог явцтай үхлийн аюулд хүргэх өндөр эрсдэлтэй вирусийн дамжуулалтыг бууруулдаг.
- Гар угаах нь COVID-19-тэй тэмцэхэд чухал үүрэг гүйцэж байгаа бөгөөд халдвар авах магадлалыг 36 хувиар бууруулж байна.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
