Саарал ордонд сууж, сайн нэр зүүх гэж үзсэн ч дуу шигээ хүнд хүрч чадсангүй гэдгээ хариулсан гишүүн бол С.Жавхлан. Тэрбээр УИХ-ын сонгуульд Баянзүрх дүүргээс бие даан сонгогдож тойрогтоо толгой цохиж гарч ирсэн ч иргэдийн “АЧЫГ БАЧААР” хариулсан гишүүдийн нэг гэхэд хилсдэхгүй. ДӨРВӨН ЖИЛИЙН ХУГАЦААНД ТӨРИЙН ОРДОНД ЧИМЭЭ АНИРГҮЙ БУГИЖ БАЙСАН ТЭРБЭЭР ҮХРИЙН СҮҮЛ ДЭЭР ХУТГА ГЭГЧЭЭР АН-ТАЙ НЭГДЭЖ ХЭНД ХЭРЭГГҮЙ БОЛСОН ГЭГДЭЭ ХАРУУЛААД АВСАН.
Түүний нэг жишээ бол АН-д элсэж 2020 оны УИХ-ын сонгуульд нутагтаа дахин нэр дэвшсэн ч хийж гийгүүлсэн гавьяагүй МУГЖ-ийг дахин сонгох “МУНХАГ” иргэд цөөхөн байх. Тиймдээ ч тэрбээр бэлэн хоолоо алдсандаа гомдож, туньж явсан нь саяхан. Төд удалгүй АН-аас албан ёсоор гарч уран бүтээлдээ шамдан орохоо мэдэгдэж байсан нь өнөөдөр юм шиг үлджээ. Манай Монголчууд дуучнаа гэх сэтгэл дундрах биш гэдгийг С.Жавхланд харин ч нэг сайн харуулж байна. Төрд суусан дөрвөн жилийн цалин хөлс нь дуусч "БУСДЫН" эгнээнд шилжиж, МУГЖ гэх “ГУНИГТ” гуншингаа урдаа барьж Сүхбаатарын талбай дээр өлсгөлөн зарлаж олны сэтгэлийг өмөлзүүлээд авлаа. Гэвч залуу зандан наснаасаа уран бүтээлээ хийж ирсэн түүний хэрэглээ жирийн ардаас хавь илүү ялгарна.
Цахим орчинд түүнийг шүүмжлэх иргэд өлсгөлөн зарлаж байхдаа өмсөж зүүсэн зүйлсийн үнийн дүнг тогтооход 80 гаруй сая төгрөгийн зүйлсийг өөртөө шингээсэн нь ардын мөнгөөр дутаж цангаж байгааг харуулсан тод томруун жишээ хэмээн шүүмжилж байна.
ТҮҮНИЙ ӨЛСГӨЛӨН ЯМАР САНААТАЙ БОЛОХЫГ ИРГЭД БИШ, ТЭР МЭДЭХ БАЙХ...
Бага идсэн ч их идсэн ч өмхий гэдэг шиг тэрбээр амин хэрэгцээгээ хангах зориулалтай суулт, өлсгөлөн зарласан нь ил болж, олны шүүмжлэлд өртөөд байна. Түүний өлсгөлөн зарлах болсонтой холбогдуулан хэд хэдэн хүмүүс түүний өлсгөлөнгийн цаана нуугдах баримтыг нь дэлгэжээ.
ҮҮНИЙ НЭГЭЭР САНГИЙН САЙД Б.ЖАВХЛАН НЭГЭН ХЭВЛЭЛД ЯРИЛЦЛАГА ӨГӨХДӨӨ "СҮХБААТАРЫН ТАЛБАЙД ӨЛСГӨЛӨН ЗАРЛАН СУУГАА С.ЖАВХЛАН НЬ НАДТАЙ УУЛЗАЖ “ХАМАГ МОНГОЛ” ТОГЛОЛТОД САНХҮҮЖУУЛАЛТ АВАХЫГ ХҮССЭН" ГЭЖ МЭДЭГДЭЖ БАЙСАН.
ЦАГ ҮЕ ХҮНД БАЙХАД МУГЖ С.ЖАВХЛАН АРАЙ ТҮРЭГДСЭН ГЭЛТЭЙ ҮЙЛДЭЛ ТҮҮНИЙ НЭРИЙГ СЭВТЭЭЖ ОРХИЛОО. АМИН ЗУУЛГАА БОДОЖ ХИЙЖ БАЙГАА ҮЙЛДЛИЙГ ХАРСАН ИРГЭД “МӨНГӨ ЦАГААН, НҮД УЛААН” ГЭГЧ БОЛЖ БАЙНА ХЭМЭЭН ЦАХИМ ХУУДАСТ НИЙТЛЭХ БОЛЖЭЭ.
Цар тахлаас хамаараад эдийн засаг элгээрээ хэвтэж, эрх дархтангүй цөхөрч байхад гишүүн асан С.Жавхлан санаа амар олныг хамарсан тоглолтыг хүсэж буй нь “ГУТАМШИГ” гэлтэй.
Түүний хүслийг ажваас өөрийн халаасыг улсын төсвөөр дүүргэх санаа нь “өдрийн бодол шөнийн зүүд” болж дөрвөн өдрийг ардаа үдсэн ч санаснаар нь болохгүй байгаад сэтгэл дундуур байгаа сурагтай. Түүгээр ч зогсохгүй хувийн хүсэл сонирхолдоо илт автсан МУГЖ С.Жавхлан мөрөөрөө ажлаа хийж явсан иргэдийг өөрийн үйлсэд хамруулж, Засгийн газар руу нудраад авсан.
Гэрэл зургийг: Аgar creative studio
Like
0
Зөв
2
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
