Засгийн газрын ээлжит мэдээлэл өнөөдөр боллоо. Эл өдөр БШУ-ны сайд Л.Энх-Амгалан хэлэхдээ, улсын их дээд сургуулиудыг хөдөө орон нутаг руу шилжүүлэх талаар ярьсан байна. Тодруулбал, тэрбээр, их, дээд сургуулиудыг орон нутагт сургалт, эрдэм шинжилгээ, үйлдвэрлэлийн цогцолбор болгон хөгжүүлэх тогтоолыг албажуулан гаргалаа.
Их, дээд сургуулиудыг орон нутагт хөгжүүлэх нь нийслэлд үүсээд байгаа түгжрэлийг бууруулахаас гадна хөдөө орон нутгийн хөгжилд нөлөөлнө. Өнөөдрийн байдлаар Монгол Улсад 88 их, дээд сургуульд 158 мянган оюутан суралцаж байгаагаас 143 мянга нь буюу 92 хувь нь Улаанбаатар хотод суралцдаг. Нэг үгээр хэлбэл хөдөө орон нутагт сурдаг оюутан залуус тавхан хувийг эзэлж байна.
Дашрамд дурдахад Эрдэнэт, Дархан-Уул, Өмнөговьд сургалт судалгаа үйлдвэрлэлийн цогцолбор болгож МУИС, ШУТИС, ХААИС -ийг байгуулах шийдвэр гарч байна.
Тухайн бүс нутагт салбар сургууль биш төв сургууль байгуулагдах болно. Ингэхдээ аймгуудад байгаа барилга байгууламж, дотуур байр, хичээлийн байруудыг ашиглаж өргөтгөл хийх замаар сургалт судалгааны цогцолборыг байгуулж ашиглана. Ингэснээр 10-15 мянган оюутан орон нутагт суралцах боломжтой болно.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
