“Эрдэнэс Монгол” ХХК нь 2019 онд зарлагдсан даатгалын тендерүүдэд шаардлага хангахгүй компаниудыг шалгаруулж хахуул авсан байж болзошгүй гэсэн гомдол АТГ-д ирсэн юм. Үүний дагуу АТГ-аас хэрэг нээн 10-р сарын 18-ны орой “Эрдэнэс Монгол” ХХК захирал, УИХ-ын гишүүн асан Д.Хянхярваагийн ажлын байр болон гэрт нь прокурорын зөвшөөрлөөр нэгжлэг хийж гэмт хэргийн ул мөр илэрсэн гэж үзэн 48 цагийн хугацаатай баривчлан саатуулсан юм.
Гэтэл УИХ-ын гишүүн асан Д.Хаянхярваа нь 2020 оны 10-р сард “Эрдэнэс Монгол” ХХК-ийн гүйцэтгэх захирлаар томилогдсон. Гэвч түүнийг томилогдохоос өмнө буюу П.Ганхүү даргын үед хийгдсэн тендер шалгаруулалтын ажилтай холбогдуулан шалгасан байдаг. Шалгагдаж байгаа гурван тендерийн мэдээллийг шилэн данснаас үзвэл.
2019 оны 1 сарын 18-аас, 2-р сарын 22-ны хооронд 62 сая төгрөгийн өртөгтэй “автомашины даатгал”-ын тендер, мөн тус оны 6-р сарын 14-нд зарлагдсан 100 сая төгрөгийн өртөгтэй “удирдлагын хариуцлагын даатгал” 2019 оны нэгдүгээр сарын 18-нд зарлагдсан 96 сая төгрөгийн өртөгтэй “эрүүл мэндийн даатгал”-ын тендерүүд багтжээ.
.jpg)
Тухайн тендерүүд нь Д.Хаянхярвааг гүйцэтгэх захирлаар томилогдохоос 20 сарын өмнө зарлагдсан тендерүүд байгаа юм. Мөн эх сурвалжийн мэдээлснээр “Эрдэнэс Монгол” ХХК-ий гүйцэтгэх захирал Д.Хаянхярваагийн ажлын байрнаас олдсон бэлэн мөнгө нь эмчилгээнд зарцуулахаар хадгалж байсан мөнгө хэмээн мэдээлэл өгчээ. Мөн АТГ-ын гүйцэтгэх ажиллагааны явцад авсан зураг, баримтыг бусдад задруулсан, олон нийтэд тараасан гэх энэхүү үйлдэл нь өөрөө улс төрийн захиалгатай баривчилгаа байж болзошгүй гэсэн хардлагыг олон нийтэд түрүүлээд байгаа юм.
Like
0
Зөв
0
0
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
