Энэ сарын 1-ээс иргэд, аж ахуйн нэгж байгууллагууд Gazar.gov.mn цахим систем болон Egazar аппликейшн ашиглан хүссэн цагтаа газартай холбоотой асуудлаа төвөггүйгээр шийдэх боломж бүрдсэн юм. Тодруулбал, тус системээр иргэн, аж ахуйн нэгж газрын гэрчилгээ, кадастрын зураг, хянан баталгааны дүгнэлтээ цахимаар үнэ төлбөргүй хэвлэн авах боломж бүрдсэнээс гадна газрын харилцааны салбарт байгаа шаардлагагүй гарын үсгийг цөөлөх, урт дарааллыг бууруулах, шат дамжлагыг багасгахад томоохон ахиц авчирч байгаа юм. Тухайлбал, иргэд сар бүр 100 сая төгрөг, жилд 1.2 тэрбум төгрөгийг үнэт цаасны шимтгэл болгон тушаадаг байсанг болиулж энэ мөнгө иргэдийн халаасанд үлдэх аж.
Өөрөөр хэлбэл иргэд QR кодоор баталгаажсан газрын гэрчилгээ, кадастрын зураг, хянан баталгааны дүгнэлтээ дурын цаасан дээр хэвлэн авах боломжтой болж байна.
Тэгвэл өмнө нь дээрх бичиг баримтыг олгоход 10 гарын үсэг зурагддаг байсан. Ингэснээр, нэг дүүрэгт сард 6100 гарын үсэг зурдаг байсан бол одоо ямар ч гарын үсэг шаардлагагүй болж байгаа юм. Түүнчлэн иргэн газрын захирамж гарснаас хойш гэрээгээ авахаар 30-60 хоног дугаарладаг байсан хугацаа нэг минут болж багасгажээ.
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
