Монгол улс “КОВИД-19” цар тахалтай тэмцэж яваа энэ хэцүү цаг үеүдэд үр ашиггүй, урсгал зардлаа танаж, ард иргэдийнхээ эрүүл мэнд, эх орныхоо эдийн засагт анхаарлаа хандуулах нь нэн чухал болоод байгаа юм. Тэгвэл бид өмнө нь төрийн байгууллага болох яам, агентлагийн байгууллагууд үр ашиггүй олон сая төгрөгийг улсын төсвийн мөнгөнөөс урсгаж байгаад иргэд бухимдсаныг мэдээлэлж байсан.
Тодруулбал, төрийн байгууллагуудын улсын төсвөөр батлагдсан олон сая төгрөгийн дийлэнх хувь нь сэргээн засварлах ажил болон урсгал засвар, тавилга, эд хогшилд зарцуулагддаг хэмээн албан эх сурвалжтай мэдээлсэн. Тэгвэл энэ үеүдэд Ховд аймгийн “Алтай” сум 100 сая төгрөгийн өртөгтэй цэцэрлэгт хүрээлэн шинээр байгуулахаар ажиллаж байгаа юм байна.
Уг тендерт ирсэн материалыг ирэх сарын 01-ний өдөр хүлээн авахаар тооцоолсон. Гэтэл уг цэцэрлэгт хүрээлэнг шинээр засварлаж 100.000.000 сая төгрөгийг төсөвлөх нь нүдээ олоогүй ажил хэмээн иргэд нь дургүйцээд байгаа аж. Тодруулбал иргэд, Ховд аймагт хэд хэдэн, цэцэрлэгт хүрээлэн, амралт, зугаалгын хүрээлэн гэх газрууд шинээр барьсан боловч иргэдийн сэтгэлд нийцэхгүй, түр зуур нүд хуурах ажилд их хэмжээний мөнгө төсөвлөж, ард иргэдийнхээ амьжиргаанд ахиц дэвшилттэй, иргэдэд ээлтэй зүйл хийхгүй байгаад бухимддаг аж.
Иймд Ховд аймаг төдийгүй улс орон даяар замын засвар, сэргээн засварлалт хэмээн нэрийдлээр олон хүний шат дамжлагатайгаар мөнгө завших үзэгдэл их болж байгаа учраас иргэдийн итгэл үнэмшил уландаа гишгэгдсэн нь мэдээж юм. Тэгвэл Ховд аймгийн “Алтай” сум өндөр өртөг бүхий 100 сая төгрөгөөр цэцэрлэгт хүрээлэн гэх нэрийдлээр ямар ажлуудыг төлөвлөж, гүйцэтгэж байгааг үргэлжлүүлэн бид сурвалжлах болно.
Like
1
Зөв
0
0
Буруу
1
Воов
0
Уйтгартай
0
Дуртай
Хуулийн төсөл боловсруулагчдад гэрчилгээ, сургагч багш нарт батламж гардууллаа
© 2013-2023. Вэб сайт бүтээсэн: Tsast Solution LLC
