Ерөнхий сайд асан Ч.Сайханбилэг өчигдөр буюу 10-р сарын 28-ны өдөр "Оюутолгойн" асуудлаар байр сууриа илэрхийлсэн юм. Тэрээр хэлэхдээ: “Үе үеийн Засгийн газрууд Оюутолгой том төсөл хөтөлбөртэй холбогдуулан, холбогдох шийдвэрүүдийг тухайн үеийн эдийн засаг, улс төрийн нөхцөл байдалтай холбогдуулан гаргаж ирсэн” гэдгээ албан ёсоор олон түмэнд, олон нийтийн сүлжээгээр хүргэсэн юм. Тэгвэл энэ асуудлын хариуд ХЗДХ-ийн сайд Х.Нямбаатар хэлэхдээ: “Өчигдөр АНУ-д байгаа иргэн Ч.Сайханбилэгийн ярилцлагыг сонссон. Сандарсан хүний л яриа байна лээ. Өөрөөр хэлбэл харийн нутагт харийн компанийн ПР-ыг хийж байгаа ийм ядмагхан хүний яриа гэж харж байгаа юм. Монгол улсын засгийн газрын ажлын хэсэг хөрөнгө оруулалтын гэрээ ажлын үр өгөөжийг нэмэгдүүлэх чиглэлээр тодорхой шат дараалалтай арга хэмжээ авч хэрэгжүүлэхээр хэлэлцээрийн ширээний ард суугаад одоо бараг зургаан сар болж байна. Бага багаар ахиж, урагшилж байгаа зүйлүүд байна. Ойлголцож байгаа, бас ойлголцохгүй зүйлүүд ч байна,
Иргэн Ч.Сайханбилэгт хэлэхэд харийн компанийг ПР маркетинг хийж суухаар ирж элгэн садан, эх орондоо ирж энэ төслийг Монголчууддаа үр өгөөжтэй болгох тал дээр илүү их сэтгэлээ чилээгээсэй гэж бодож байна.
Л.Оюун-Эрдэнийн Засгийн газар “Оюутолгой гэрээ хэлэлцээр”-ийг сайжруулахад ямарваа нэгэн байдлаар гаднын компанийн нөлөөнд автах, тэдний тулгалт шахалтад орохгүй байх бүх тал дээр маш их анхаарч хичээж ажиллаж байгаа. Эцсийн дүндээ энэ төслийг сайжруулахад ажлын үр өгөөжийг иргэд олон түмэнд хүртээх юм. Өнөөдөр УИХ-ын 92-р тогтоол, 57-р тогтоолуудад Оюутолгой гэрээ хэлэлцээрүүдийг сайжруулах олон чиглэлүүдийг их хурлаас өгсөн. Энэ хүрээнд төслийн үр өгөөжийг 53-аас илүү хувь нь Монголчуудад, 47 хүртэлх хувь нь хөрөнгө оруулагч талд байх ёстой гэдэг энэ зарчмыг ашиглаад гэрээ хэлэлцээр үргэлжилнэ. Бид нар цаашид хөрөнгө оруулалтын гэрээг сайжруулж үр өгөөжийг нэмэгдүүлж бодит алхмыг хөрөнгө оруулагч тал хүлээж авахгүйгээр хэлэлцээр цаашаа үргэлжлэхгүй гэдэг байр суурийг удаа дараа хэлж байгаа. Эхний байдлаар бидэнд өгсөн 4, 5 саналын хувьд урьд өмнө огт тавьж байгаагүй санал тавьсан. Би хэлэлцээрийн талаар нарийн ярьж болохгүй байна” хэмээн хэлсэн юм.
Тэгвэл өнөөдөр буюу 10-р сарын 29-ны өдөр Сүхбаатарын талбайд Ерөнхий сайд асан Ч.Сайханбилэгийн мэдэгдлийг эсэргүүцэн Оюутолгойн гэрээний асуудлаар “Рио Тинто” хийж буй хэлэлцээрээс залуус юу хүлээж байгаа талаар байр сууриа илэрхийлсэн юм.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
