Монгол улс “КОВИД-19” цар тахалтай тэмцэж яваа энэ хэцүү цаг үеүдэд үр ашиггүй, урсгал зардлаа танаж, ард иргэдийнхээ эрүүл мэнд, эх орныхоо эдийн засагт анхаарлаа хандуулах нь нэн чухал болоод байгаа юм. Тэгвэл бид өмнө нь төрийн байгууллага болох яам, агентлагийн байгууллагууд үр ашиггүй олон сая төгрөгийг улсын төсвийн мөнгөнөөс урсгаж байгааг мэдээлж байсан.
Тэгвэл энэ удаа “Хөвсгөл аймгийн, Их-Уул сум”-ын Засаг даргын тамгын газар орон нутгийн төсвөөс 35 сая төгрөгийн үнэ бүхий TOYOTA PRUIS-41 маркийн автомашин худалдан авах тендер зарлажээ.
Уг тендерт ирсэн материалыг энэ сарын 16-ны өдөр хүлээн авахаар тооцоолсон байна. Сүүлийн үед сайд, дарга нарын албаны болон амины автомашиныг орон нутаг болон, улсын төсвөөс хайр гамгүй худалдан авч байгаа нь олон нийтийн дургүйцлийг хүргээд байгаа. Энэ талаар иргэдээс тодруулахад, "Жилийн жилд олон сая төгрөгөөр буюу орон нутгийн төсвөөр Засаг даргын тамгын газар гэх нэрийдлээр автомашин сольж унахынхаа оронд, орон нутагтаа дорвитой ажлуудыг хийхийг хүсэж байна" хэмээн хэлсэн юм.
Иймд Хөвсгөл аймаг төдийгүй улс орон даяар засаг болон дарга нар солигдох бүрд суух сандал, ширээ, амьдрах байр, барих машин гээд бүхий л зүйл солигддогийн тод жишээ бол энэ юм. Бид үргэлжлүүлэн сурвалжлах болно.
.png)
.png)
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
