Эрдэнэт үйлдвэр”-ийн даргаар “Ашигт малтмал, газрын тосны газар”-ын дарга Х.Хэрлэнг томилж магадгүй гэсэн таамаг олон нийтийн дунд байсан. Гэвч энэ тохироо өөрчлөгдөж, Х.Хэрлэнг УБТЗ-ын даргаар томилохоор болсон байна. Түүнийг ОХУ-ын тал ч хүлээн зөвшөөрсөн бөгөөд Япон улсын зээлийн дээрх хэлэлцээртэй холбоотой асуудлыг УИХ-аар шийдвэл Х.Хэрлэн хүлээн зөвшөөрөхөө илэрхийлсэн гэх албан бус мэдээлэл байгаа.
Х.Хэрлэнг улс төрийн хүрээнд Ерөнхийлөгч У.Хүрэлсүхийн “ойрын” хүн, Зам, тээврийн хөгжлийн яамны дэд сайд Ж.Бат-Эрдэнийн найз гэдэг. "Монголын төмөр зам" ТӨХК-ийн гүйцэтгэх захирлаар ажиллаж байсан, орос хэлтэй, ОХУ-ын талтай ойлголцох боломжтой хүн гэж түүнийг зүтгүүлж буй. Тэрбээр 2017 онд Ашигт малтмал, газрын тосны газрын даргаар томилогдсон бөгөөд түүнээс хойш Засгийн газар солигдсон ч албан тушаалдаа үлдсэн нэгэн.
Ерөнхийлөгч У.Хүрэлсүх ирэх арванхоёрдугаар сард ОХУ-д айлчлахаар төлөвлөж, бэлтгэл ажлыг хангаж буй. Харин түүний айлчлалаас өмнө төмөр зам, УБТЗ-ын даргын асуудлыг “цэгцлэх” үүрэг нь Засгийн газарт өгөгджээ. Удтал тохиролцож чадахгүй, санал болгосон хүмүүсийг нь “голж” байсан томилгоо удахгүй шийдэгдэх аж.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
