Соёлын сайд асан, Чингис хааны музейн захирал С.Чулуун нарын хүмүүсийг Үндэсний Номын сангийн тусгай сан хөмрөгт хадгалагдаж байгаа Өндөр Гэгээн Занабазарын намтар түүхэнд холбогдох түүхэн эх сурвалжуудыг эрдэм шинжилгээний боловсруулалт хийлгүйгээр БНХАУ-ын талд хүлээлгэн өгсөн хэрэгт холбогдуулан шалгаж , яллагдагчаар татжээ.
"Монгол Улсад хадгалагдаж байгаа нэгдүгээр дүрийн Жавзандамба хутагтын Монгол намтруудын эмхтгэл” нэртэй дээд, доод хоёр ботиор хэвлүүлж соёлын биет өвийг завшсан байж болзошгүй үйлдэлд мөрдөн шалгах ажиллагаа явуулж байгааг цагдаагийн байгууллагаас мэдээлсэн юм.
Тэгвэл уг гэмт хэргийг үйлдсэн нь батлагдвал “Монгол Улсын Эрүүгийн хуулийн тусгай ангийн 25.3 дугаар зүйлд Соёлын биет өвийг завшсан, үрэгдүүлсэн бол хоёр мянга долоон зуун нэгжээс арван дөрвөн мянган нэгжтэй тэнцэх хэмжээний төгрөгөөр торгох, эсхүл зургаан сараас гурван жил хүртэл хугацаагаар зорчих эрхийг хязгаарлах, эсхүл зургаан сараас гурван жил хүртэл хугацаагаар хорих ял шийтгэнэ” гэж заасан байдаг аж.
Харин түүнийг 2021 оны 3-р сард "Чингис хаан музей"-н захирлаар томилсон. Ажлаа аваад удаагүй байгаа юм.
Гэтэл Монгол Улсын Соёлын сайд байхдаа биет өвийг завших гэмт хэрэгт холбогдсон хүнийг "Чингис хаан музей"-н захирал гэх албан тушаалд "ИТГЭЖ" томиллосон нь "чононд хонио хадгалуулна" гэгчээр зүйл болж байгаа гэж хэлэхэд буруутахгүй биз ээ.
Чингис хаан музей"-н захирал С.Чулуун нь 1999 онд МУИС-ийг түүхч, түүхийн багш мэргэжлээр төгсөж 2001 онд тус сургуульдаа нийгмийн ухааны чиглэлээр магистрын цолоо хамгаалсан. 2010 оноос ШУА-ийн Түүхийн хүрээлэнгийн, 2015 оноос Түүх, археологийн хүрээлэнгийн захирлаар ажиллаж байсан. Тэрээр 2008, 2010, 2011 онд Английн Кембрижийн их сургуулийн “Дотоод Ази ба Монгол судлал”-ын төвд зочин судлаач, 2012-2013, 2014 онд Японы Осака хотын Үндэсний Угсаатны музей, Тохоку их сургуулийн Зүүн хойд Азийн судлалын төвд, 2015 онд Унгарын ШУА-ийн Угсаатны судлалын хүрээлэнд, 2017 онд БНХАУ-ын Ардын их сургуульд тус тус зочин профессороор уригдан ажиллажээ. Мөн 200 гаруй ном, эрдэм шинжилгээний бүтээл хэвлүүлж, хянан тохиолдуулсан ба түүний бүтээлүүд ОХУ, Англи, Солонгос, Хятад, Япон, Унгар, Турк, Нидерланд улсад хэвлэгджээ.
Like
0
Зөв
1
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
