Монгол улсын хэмжээнд хуучин барилга гэх нэрийдлээр зөвшөөрөлтэй, зөвшөөрөлгүйгээр нураах ажлууд сүүлийн жилүүдэд эрчимтэй явагдах болсон. Үүнд нурааж байгаа байгууллагын ашиг сонирхол, нураалгаж байгаа барилгын цаана ажил, амьдрал нь өрнөж байгаа иргэдийн эрх ашиг зөрчигддөг гэдгийг хэн хүнгүй мэдэж байгаа.
Харин үүнтэй ижил төстэй арга барилаар Сүхбаатар дүүргийн тамгын газрын захиалгаар тус дүүргийн 14-р хорооны “Ахмадын хороо”-ны хуучин барилгыг нураах тендерийг 11 сарын 12-ны өдөр зарлаад байна. Уг нураах ажиллагааны зардал нь орон нутгийн төсвөөс гарах бөгөөд 70 сая төгрөгийн санхүүжилттэй. Тендерийн материалыг 11 сарын 29-ний өдрийн 19:30 минутад хүлээн авахаар тооцоолжээ.
Харин барилгыг нураах санхүүжилтийн эх үүсвэр нь “Мөрийн хөтөлбөрийг хэрэгжүүлэх зардал”-аас гаргаж байгаа юм. Тэгвэл энэ жишгээр улсын нийслэл Улаанбаатар хотод ашигтай байрлалтай олон нийтийн байгууллагыг нурааж оронд нь олон давхар орон сууц, хэн нэгний ашиг сонирхлоор сүндэрлэх барилга байгууламж болон хувирдаг нь үнэн. Сүхбаатар дүүрэг бол нийслэлийн “А бүс”-д байрладаг дүүрэг. Тиймдээ ч тус дүүргийн булан тохой, зай бүр үнэ цэнэтэй. Иймд “Ахмадын хороо”-ны үе үеийн олон ахмадуудын сэтгэлийг гонсойлгон барин тус барилгыг нураах нь хэнд ашигтай вэ? Мөрийн хөтөлбөрийг хэрэгжүүлэх зардал”-аас гаргаж байгаа санхүүжилтээр ямар ажлыг эхлүүлэх вэ?
Энэ талаар эргэн сурвалжлах болно...
Like
0
Зөв
0
0
Буруу
0
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
