Улс эх орны эдийн засаг, иргэн бүрийн эрүүл мэнд чухал энэ цаг үед эрүүл мэндийн байгууллага нүдээ олсон дорвитой ажлуудыг хийж хэрэгжүүлж чадаж байна уу? гэсэн асуултыг танд үлдээе.
Тухайлбал, Эрүүл мэндийн яам, Эрүүл мэндийн даатгалын газар, эм, эмнэлгийн байгууллагууд, эрүүл мэндийн чиглэлийн салбар нэгжүүд хүнд цаг үеүдэд ард иргэддээ бодсон ажлуудыг хэрхэн хийж байгааг та сайн тунгааж үзээрэй.
Монгол улсад Ковид-19 цар тахал тархаад аль хэдийнээ хоёр жилийг ардаа үлдээж. Гэтэл энэ хугацаанд эрүүл мэндийн байгууллага тэр дундаа “Эх, нярай, эмэгтэйчүүдийн үндэсний төв-II” нь үр ашиггүй зардал нэлээд гаргаж байна. Гэтэл улсын төсвийн мөнгийг эх, үрсийн эрүүл мэндэд хэрэгтэй, багаж, тоног төхөөрөмж, эмчилгээ, эм тарианд нь зарцуулж, нийт эх, хүүхэд бүрийн эрүүл мэндэд нэн тусдаа зүйлсэд хөрөнгө мөнгөө зарцуулахын оронд “эд хогшил, тавилга” гэх мэт зүйлсэд олон зуун сая төгрөг зарцуулж байгаа юм.
Тодруулбал, 2021 оны 11 сарын 15-ны өдөр “Эх, нярай, эмэгтэйчүүдийн төв II”-оос тавилга, эд хогшил тэр дундаа хурлын ширээ гэх мэт зүйлсийг 622.029.300 төгрөгөөр худалдан авах тендер зарлажээ. Уг тендерийн материалыг 2021 оны 12-р сарын 15-ны өдрийн 10:00 цагийн дотор ирүүлэхээр тооцоолжээ.
Харин цар тахлын энэ цаг үед төрийн байгууллагууд илүү зардлаа танаж иргэн бүрд хэрэгтэй зүйлсэд улсын төсвийн мөнгийг зарцуулахыг анхааруулж байсан ч тэд даан ч биелүүлж чадахгүй байгаа нь харамсалтай.
Гэтэл эх, нярайн эмнэлэгийн байгууллагууд бодит байдал дээр жирэмсэн эхчүүд нь бүрэн шинжилгээндээ хамрагдаж чадахгүй, ор хүрэлцэхгүй, нярай хүүхдийн өвчний эмчилгээний аппарат хомс гэх мэт асуудлуудыг ар араасаа гаргасаар байдаг хирнээ олон зуун сая төгрөгөөр хурлын ширээ авахад үг дуугүй төсөв гаргаж өгч байгаа нь ариун явдал уу. Иймд улсын төсөв мөнгийг энэ цаг хугацаанд зөв зарцуулж, өвчинтэй тэмцэж байгаа иргэн бүрийг анхаарч ажиллахыг шаардаж байна.
Төсвийн мөнгийг хэрэгцээгүй, шаардлагагүй үр ашиггүй зүйлсэд төрийн байгууллагууд олон сая төгрөгийг зарцуулж байгааг бид цуврал болгон хүргэж байгаа.
.png)
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
