Баянгол дүүргийн усан спорт, сургалтын төв 2014 оны гуравдугаар сараас эхлэн үйл ажиллагаагаа явуулж эхэлсэн бөгөөд амралт, чөлөөт цаг, нийтийн эрүүл мэндэд зориулсан биеийн тамирын цогцолбор юм. Тэгвэл тус төвд "Баянгол усанд сэлэлтийн клуб"-байгуулагдаж хүүхэд залуус усан спортоор хичээллэх боломж бүрдлээ. Усанд сэлэлтийн клубт 4-р ангийн сурагчаас эхлээд усан сэлэлтийн зэрэгтэй тамирчид хамрагдаж байна. Анхан шатанд мэлхий сэлэлт, дунд шатанд өврөөр даллах сэлэлт, ахисан шатанд эрвээхий сэлэлт заах бөгөөд сургалтад 6-аас дээш бүх насныхан хамрагдах боломжтой.
Клубын нээлтийн үеэр Нийслэл дүүргийн Төлөөлөгчид, Баянгол дүүргийн иргэдийн Төлөөлөгчдийн Хурлын ажлын албаны дарга болон албаны бусад хүмүүс, спортын тамирчид, усан спорт сонирхогч залуус оролцсноос гадна клубын туг байршуулах хүндэтгэлийн арга хэмжээний үеэр усан спортын тамирчид үзүүлэх сургалтууд хийж Онцгой байдлын аврах баг мэндчилгээ дэвшүүллээ.
Арга хэмжээг дүүргийн иргэдийн төлөөлөгчдийн хурлын дэд дарга Г.Мөнхсайхан нээж хэлсэн үгэндээ "Энэ сайхан ордноос энэ амжилтын оргил болсон энэ газраас олимпын олон тамирчин төрж, хүүхэд залуус шуугьсан спортын их талбар болно гэдэгт итгэлтэй байна. Баг тамирчид усан спортын хөгжилд үнэтэй хувь нэмэр оруулж буй та бүхэндээ амжилт хүсье. Дүүргийн хэмжээнд бүх талаас нь дэмжих болно гэдгийг онцоллоо."
Баянгол дүүргийн усан спорт сургалтын төвийн даргаар дүүргийн ИТХ-ын Төлөөлөгч Эрхэмбаярын Миеэгомбо томилогдон ажиллаж байна.
Усан спортоор хичээлснээр хүн эрүүл чийрэг, гоё сайхан биеийн галбиртай болохоос гадна дархлаа сайтай болдог. Нэг ёсондоо эмгүй эмчилгээ гэдэг. Баянгол дүүргийн усан спорт, сургалтын төвийн бассейн нь 25 метрийн урттай хоёр зам бүхий усан сантай бөгөөд удахгүй төвийн 2-р байр ашиглалтад орох юм. Шинэ төв нь 300 хүний суудалтай 25 метрийн урттай 4 зам бүхий усан сан, гар бөмбөг, сагсан бөмбөгийн заалтай, жүдо бөх, чөлөөт бөхбоксын бэлтгэлийн 2 заалтай байх юм.
Like
0
Зөв
0
0
Буруу
0
Воов
1
Уйтгартай
2
Дуртай
© 2013-2023. Вэб сайт бүтээсэн: Tsast Solution LLC
