"Таны, миний, бидний нэн тэргүүнд эрхэмлэх үнэт зүйл бол - бидний харилцагчид" гэсэн үнэт зүйлээ тодорхойлсон ХААН Банк нь орон даяар нийт 547 салбар нэгжтэй үндэсний хэмжээний тэргүүлэгч арилжааны банк бөгөөд Монгол Улсын нийт айл өрхийн 70 гаруй хувьд буюу 2.6 сая харилцагчид банк санхүүгийн цогц үйлчилгээг хүргэн ажиллаж байна. Гэтэл Хаан банканд итгэж, найдсан харилцагчдын мэдээлэл нь дэлхийн хакеруудын гарт орсон байж болзошгүй юм. Тодруулбал өнөөдрийн Хууль зүйн байнгын хорооны хуралдаанаар хүний хувийн мэдээлэл хамгаалах тухай хуулийн төсөл болон хамт өргөн мэдүүлсэн хуулийн төслүүдийг хэлэлцсэн юм. Тус хэлэлцүүлгийн үеэр УИХ-ын гишүүн Д.Ганбат "2.3 сая иргэний мэдээлэл алдагдаж, гадаад сайтад зарагдаж байгаа мэдээлэл юу болсон бэ" хэмээн асуулаа. Энэхүү асуултад Тагнуулын ерөнхий газрын Мэдээллийн аюулгүй байдлын газрын дарга Э.Эрдэнэ хариулт өгсөн юм.
Тэрбээр "Хакеруудын алдагдсан мэдээллүүдийг зардаг хар зах маягтай сайт байдаг. Тус сайтад Монголын 2.3 сая иргэний мэдээлэл зарагдаж байсан гэх мэдээлэл бий. Энэ мэдээлэл нь аравдугаар сарын 6-нд анх тус сайтад тавигдсан. ТЕГ-аас ажлын хэсэг гараад шалгаж байгаа. Тавигдсан мэдээллээс харахад алдагдсан мэдээлэл нь Хаанбанкны мэдээлэл байсан байж болзошгүй. Учир нь дансны дугаар болон тавигдсан мэдээллийг нь харахад тэгж дүгнэж болохоор байгаа" гэлээ.
Монгол Улсын 2,3 сая иргэний 4 сая орчим мэдээллийг 700 ам.долларын үнэтэйгээр худалдаалж байна гэсэн мэдээлэл өмнө нь гарч байсан. Тэгэхээр ТЕГ-ын Мэдээллийн аюулгүй байдлын газрын дарга Э.Эрдэнийн мэдээлэл баталгаатай бол Монгол Улсын 2,3 сая иргэний овог нэр, регистрийн дугаар, албан тушаал, гэрийн хаяг, утас гээд л хэрэглэгчтэй холбоотой бүхий л мэдээлэл хакердуулж зарагдсан гэсэн үг юм. Иймд Хаан банк харилцагчдынхаа хувийн мэдээллийг хамгаалж чадахгүйгээгээс болж хэрэглэгчдийнхээ итгэлийг алдаж, үйлчлүүлэгчдээ алдах аюулд ороод байна.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
