Ардчилсан намын 30 жил, “Үндэсний анхдугаар чуулган”-д зориулсан хүндэтгэлийн барилдаан Бямба гаригт болсон. Уг барилдаанд улс, аймгийн алдарт цолтой 256 бөх зодоглосноос улсын заан Д.Анар түрүүлж, улсын харцага Н.Золбоо үзүүрлэж, их шөвөгт улсын шинэ заан Ц.Одбаяр, улсын харцага Д.Бат-Эрдэнэ нар шалгарлаа. Дунд шөвгийн наймд улсын аварга П.Бүрэнтөгс, улсын харцага Б.Бат-Өлзий, улсын харцага Ц.Мөнхбаяр, улсын начин Б.Чимэдвандан нар үлдэв.
Мөн Ням гаригт болсон Завхан аймгийн Баянтэс сумын харьяат, Монгол улсын начин Бэгзсүрэнгийн Цэнгэлсүрэнгийн нэрэмжит 256 бөхийн барилдаанд Булган аймгийн Орхон сумын харьяат, аймгийн арслан Б.Түмэндэмбэрэл түрүүлж, Завхан аймгийн Тосонцэнгэл сумын харьяат, аймгийн хурц арслан М.Амарсанаа үзүүрлэв. Их шөвөгт аймгийн хурц арслан Ө.Батзул, аймгийн начин Л.Энхсаруул нар шалгарав. Харин дунд шөвгийн наймд аймгийн хурц арслан С.Очирбат, У.Береке, цэргийн арслан Л.Отгонбаатар, аймгийн арслан Э.Баасанжав нар үлдсэн юм
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
