Монгол Улс өнөөдрийг хүртэл төсвийн орлогыг бүрдүүлдэг зэсээ баяжуулж, нүүрсээ угааж, алтаа цэвэршүүлж, газрын тосоо боловсруулж, нэмүү өртөг шингээж чадалгүй түүхий эд нийлүүлэгч улс байсаар л байна. Бид аж үйлдвэрийн бодлогоо алдсанаас болж, байгалийн баялгийнхаа 90 хувийг нэмүү өртөг шингээлгүйгээр хямд үнээр гаргадаг атлаа дотоодын үйлдвэрлэлээ хөгжүүлж чадаагүйгээс шалтгаалж, боловсруулсан бүтээгдэхүүний 90 хувийг импортоор худалдан авч байна.
Мал аж ахуйн орон атлаа жилд 15 сая арьс ширийг боловсруулж чадалгүй хаяж байгааг МАН-ын дарга, Монгол Улсын Ерөнхий сайд Л.Оюун-Эрдэнэ МАН-ын 30 дахь Их хуралд танилцуулсан илтгэлийнхээ үеэр тодотголоо. Тиймээс эрх баригч намаас боловсруулсан “Шинэ сэргэлтийн бодлого”-ын хүрээнд нэмүү өртөг шингэсэн уул уурхай, хөдөө аж ахуйн эцсийн бүтээгдэхүүн боловсруулах үйлдвэрүүдийг үе шаттайгаар байгуулж, Эрдэнэтийн зэсийн баяжмал боловсруулах үйлдвэр, Эрдэнэс Тавантолгойн нүүрс баяжуулах үйлдвэр болон Дархан-Сэлэнгийн бүсэд гангийн үйлдвэрүүд барьж, ашиглалтад оруулна.
Газрын тос боловсруулах үйлдвэрийг ашиглалтад оруулж, бензин шатахуунаа дотооддоо үйлдвэрлэдэг болох, бүсчилсэн хөгжлийн хүрээнд Дарханы арьс шир боловсруулах үйлдвэр, Ховдын “Агро” болон Үйлдвэрлэл технологийн паркын бүтээн байгуулалтын ажлыг дуусгана гэдгийг Ерөнхий сайд танилцуулаад “Монгол Улс хүнсний суурь хэрэгцээгээ дотооддоо бүрэн хангадаг, хүнс экспортлогч улс болох учиртай. Аж үйлдвэржүүлэх бодлого бол шинжлэх ухаан, технологийн салбарыг бүрэн шинэчлэх зорилт юм. Аж үйлдвэрийн 4 дүгээр хувьсгалаас хоцрохгүй, өндөр технологи, блокчейн, хиймэл оюуны ололтыг нэвтрүүлж, дижитал эдийн засгийн чиг хандлагад нийцүүлэн аж үйлдвэржилтийн бодлогоо тодорхойлно” хэмээлээ.
Like
2
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
