Сүүлийн үед гэр бүлийн хүчирхийлэл ихсэж тэр дундаа залуу гэр бүлийн дунд хүчирхийлэл ихээхэн үүсэж байгаатай холбогдуулан ЦЕГ-ын гэр бүлийн хүчирхийлэл, хүүхдийн эсрэг гэмт хэрэгтэй тэмцэх хэлтсийн дарга Э.Батбаясгалангаас тодрууллаа.
Тэрээр хэлэхдээ “Гэр бүлийн хүчирхийлэл бол эрх мэдлийн тэнцвэргүй харилцаанаас болж үүсдэг. Үүнд архи согтууруулах ундаа, ядуурал ажилгүйдэл нөлөөлдөг. Тэгэхээр гэр бүлийн суурь хүмүүжилд хүчтэй нөлөөлж буй харилцаа бол гэр бүлийн хүчирхийлэх үндсэн суурь шалтгаан болдог.
Цагдаагийн байгууллагад бүртгэгдсэн гэр бүлийн хүчирхийллийн гэмт хэргүүдийг харахад 25-39 насны залуу гэр бүлийн дунд гэр бүлийн хүчирхийлэл хамгийн их үйлдэгдсэн байна.
Улсын хэмжээнд 2021 оны эхний 11 сарын байдлаар гэр бүлийн хүчирхийлэлтэй холбоотой гомдол мэдээлэл цагдаагийн байгууллага дээр 35726 бүртгэгдсэн. Өмнөх онтой харьцуулахад хоёр хувиар өссөн. Гэр бүлийн хүчирхийллийн улмаас 1305 гэмт хэрэг бүртгэгдсэн. Өмнөх онтой харьцуулахад 25 хувиар өссөн байна. Гэр бүлийн хүчирхийлэлтэй тэмцэх тухай хууль зөрчих зөрчил гэж байдаг үүнд улсын хэмжээнд 8644 бүртгэгдсэн. Өмнөх оноос 16 хувиар буурсан байна. Нэг хоногт цагдаагийн байгууллага дээр гэр бүлийн хүчирхийлэл, хүүхдийн эрх ашиг зөрчигдсөнтэй холбоотой дуудлага мэдээлэл 100-150 бүртгэгддэг” хэмээн хэллээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
