Домогт “Хурд” хамтлаг 30 жилийнхээ ойн хүрээнд “7 тербум” нэртэй гурван өнгийн пянзны нээлтийн арга хэмжээг зохион байгууллаа. “Хурд” хамтлаг өмнө нь Алтан шаргал өнгийн пянз гаргаж байсан бол энэ удаадаа гурван өнгийн пянзны нээлтийг Шангрила Малл худалдааны төвд зохион байгуулж байгаараа онцлог юм. Учир нь өмнө нь пянзны нээлт худалдааны төвд болж байгаагүй бөгөөд 21,11 гэх тоог бэлэгдэн 2021 оны 12 сарын 11-ны өдрийн 11:00 цагт олны хөл ихтэй газар,олон түмэнд зориулж амжилттай зохион байгуулагдлаа. Пянзны нээлтэд Монгол Улсын өнцөг булан бүрээс “Хурд” хамтлагийн шүтэн бишрэгчид фенүүд хүрэлцэн ирэхийн сацуу хүндэт зочид төлөөлөгчөөр тасраагүй юм.
Үйл ажиллагааны үеэр “Хурд” хамтлаг олон түмний зүрх сэтгэлд хоногшин үлдсэн дуунуудаараа сонсогч олондоо бэлэг барьсан бөгөөд хүрэлцэн ирсэн хүмүүс “Хурд” хамтлагийн “СD, Пянз”ыг худалдан авч гарын үсэг, хамтдаа зургаа татуулан нэгэн гайхалтай өдрийг өнгөрүүллээ.
Дашрамд дурдахад энэ л өдрийг Монгол орон даяар Монголчууд пянзны өдөр болгон тэмдэглэж, олон залуус пянз сонсдог өдөр байгаасаа хэмээж нээлтийн үеэр пянзны дэлгүүр, пянз сонирхогч залуус пянзны талаарх мэдээ, мэдээллийг олон түмэнд хүргэсэн юм. Эх орон, байгаль дэлхийг бэлэгддэг өнгө бол ногоон өнгө.
Тэгвэл “Хурд” хамтлагийн эх орны сэдэвтэй дуунууд нь олон түмний сэтгэлд хоногшсон байдаг. Тиймээс Домогт “Хурд” хамтлаг нь ногоон өнгийг бэлгэдэн ногоон пянз гаргасан. Мөн эх орон, ижий, аав, гэгээн хайрын сайхан дуунуудыг эгшиглүүлдгийг Монголчууд бид яахан мартах билээ, Иймээс “Хурд” хамтлаг гэгээн хайрыг бэлгэдэж үзмэн ягаан. Харин гурав дахь нь анд нөхдийн нөхөрлөлийг бэлэгдсэн цагаан пянзыг гаргажээ.
Өвөрмөц гарван өнгийн хосолсон пянз нь олны анхаарлыг татаж пянз сонирхогч залуусын сэтгэлийг баясгаад байна.

.jpg)
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
