Хан-Уул дүүргийн Иргэдийн төлөөлөгчдийн хурлаас эрэгтэйчүүдийн сагсан бөмбөгийн аварга шалгаруулах "Хан-Уул Лиг" тэмцээнийг нэг сарын турш амжилттай зохион байгууллаа.
Тус дүүргийн 21 хороодоос тус бүр нэг баг лигт оролцсон бөгөөд тэмцээн Фиба болон олон улсын сагсан бөмбөгийн холбооны хэрэгжиж буй дүрэм журам, мэргэжлийн лигийн тэмцээн зохион байгууллагддаг тэр зарчмаар явагдаж аваргаа тодрууллаа.
Тэмцээний үеэр ХУД-ийн Иргэдийн төлөөлөгчдийн хурлын дарга Г.Батсайхан "Лиг ямар зарчмаар явагддаг тэр дүрэм журмаар Хан-Уул лиг тэмцээнийг зохион байгууллаа. Сагсан бөмбөг сонирхогч залуус сайн дураараа нийлэн нэг баг болж нэг сарын турш хурд хүчээ сорьлоо. Сүүлийн жилүүдэд ХУД-ийн хүн амын тоо өсөхийн хэрээр залуучууд ихээр нэмэгдэж байгаа. Иймд цаашдаа хүүхэд залуучуудын эрүүл мэнд, бие бялдарыг чийрэгжүүлэхэд анхаарч спортын олон арга хэмжээг тогтмол зохион байгуулж ажиллана" гэлээ.
.JPG)
Нэг сар гаруйн хугацаанд үргэлжилсэн “Хан-Уул Лиг” сагсан бөмбөгийн аварга шалгаруулах тэмцээнд нийт 25 багийн тамирчин оролцож, финалд шилдэг дөрвөн баг өрсөлдснөөс Хүрэл медалийг 8-р хорооны баг тамирчид, мөнгөн медалийг 16-р хорооны баг тамирчид, алтан медалийг 2-р хорооны баг тамирчид хүртэл анхны "Хан-Уул Лиг"-ийн цомын эзэн боллоо.
Цаашдаа дүүргийн хүүхэд залуучуудын бие бялдарыг чийрэгжүүлэх, идэвхтэй дасгал хөдөлгөөнд уриалахад чиглэсэн арга хэмжээг тогтмол зохион байгуулах юм.
.JPG)
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
