"Монголын залуучуудын холбоо", "Оргил уулын дугуйн клуб", "Залуучуудын Аялал Жуулчлалын Хөгжлийн Төв” -тэй хамтран жил бүр "Халуун сэтгэлээ Хайртай багачууддаа” уриан доор санаачлан зохион байгуулдаг "Дугуйтай санта" аян 5 дахь жилдээ үргэлжилж байна.
Энэхүү аян нь анх 2013 оны 12 дугаар сарын 24-нд Монголын Залуучуудын Холбооны дэргэдэх "Залуучуудын Аялал Жуулчлалын Хөгжлийн Төв”, "Оргил дугуйн клуб”-тэй хамтран Чингэлтэй, хайлааст, дэнжийн мянга гэсэн гурван бүс газарт 500 хүүхдэд, 2014 оны 12 дугаар сарын 20-нд хөгжлийн бэрхшээлтэй хүүхдийн 25-р тусгай дунд сургуульд 350 хүүхдэд, 2015 оны 12~ дугаар сарын 26-нд нийт 100 ахмад настан, 300 хүүхдэд нийт 400 бэлэг, 2016 оны 12 дугаар сарын 26-нд "Санта бидний сэтгэлийн бэлэг" гэсэн уриан дор нэгдэн 29 дүгээр тусгай дунд сургуулийн дотуур байрны 165 хүүхдүүдэд сэтгэлийн бэлэг тарааж байжээ.
Өнгөрсөн жилүүдэд энэхүү аянд дугуйн клубүүдээс гадна хувь хүн албан байууллага дэмжин оролцож "хүүхэлдэйн театр"-ын хамт олон багт наадмын хувцастайгаа хүрэлцэн ирж хандивт нэгдсэн төдийгүй хошин урлагийн "комедитеатр"-ын хамт олон урлагийн номер үзүүлэн хүүхэд багачуудаа баярлуулж өргөн цар хүрээг хамарсан аян болж байсан юм. Нийслэлийн бүх дүүргийг хамарсан "Дугуйтай санта" аяныг нийслэлээс гадна Архангай, Өвөрхангай, Орхон, Сэлэнгэ аймгуудын залуучуудын холбооны залуус, дугуйчид зохион байгуулж орон нутагт энэ аяныг өрнүүлэн хэвшил болгож олон хүүхдийн сэтгэлийг баярлуулж буй.
Тэгвэл энэ удаа Монголын мянга мянган бяцхан хүүхдүүдийг баярлуулах гэгээлэг зорилготой тэр дундаа зорилтот бүлгийн хүүхдүүдэд чиглэсэн "ДУГУЙТАЙ САНТА~2021" аян 2021 оны 12 дугаар сарын 22-ны өдрөөс 2021 оны 12 дугаар сарын 30 өдрийг хүртэл бэлэг хүлээн авах аянаа зарлажээ. Энэ удаагийн аяныг Сүхбаатар дүүргийн Залуучуудын холбоо санаачлан зохион байгуулж тус дүүргийн эмзэг бүлгийн хүүхдүүдэд 12-р сарын 30-ны 10 цагт бэлэг хүргэхээр "дугуйтай санта" парад "Монголын залуучуудын холбоо"-ноос хөдөлж маршрутын дагуу бэлгээ тараах юм. Энэхүү аянд нэгдэхийг хүссэн хүн бүхэнд нээлттэй бөгөөд бэлэггүй үлдсэн бяцхан хүүхдүүдэд чин сэтгэлийн бэлэг барихыг хүсвэл Монголын залуучуудын холбооны 302 тоотод хүрэлцэн ирж хандивлах бэлгээ өөрийн биеэр хүлээлгэн өгөх болон С.Сэргэлэнбат 90011212, Б.Наранбаатар 96044004 дугаараар холбогдон чин сэтгэлийн хандив өргөөрэй.
Like
0
Зөв
0
0
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
