Геодези, зураг зүйн салбар үүсч хөгжсөний 90, эрхэлсэн төрийн захиргааны байгууллага байгуулагдсаны 50 жилийн ойн арга хэмжээ амжилттай зохион байгуулагдаж, 500 гаруй хүн оролцлоо.
Арга хэмжээний хүрээнд Монгол Улсад геодези, зураг зүйн салбар үүсч хөгжсөний 90 түүхийг харуулсан үзэсгэлэнг танилцуулж, “Геодези, зураг зүй-90” жил баримтат киног нийт зочидод үзүүллээ.
Салбартаа өндөр хувь нэмэр оруулсан ажилчид болон ахмадуудад Төрийн дээд одон медаль, бусад шагналыг гардууллаа. Тэртээ 1930 онд Улаанбаатар хотыг зурагжуулахаар агаараас газрын зураг авч байсан үеэс Монгол улсад Геодези, зураг зүйн салбарын үүсэл хөгжил эхэлсэн түүхтэй. Геодези, зураг зүйн салбарын үүсэл нь Монгол Улсын Хөдөлмөрийн баатар, Гавьяат барилгачин Рагчаатай салшгүй холбоотой юм. Б.Рагчаа гуай нь 1970 оноос эхлэн 1990 он хүртэл Улсын геодези, зураг зүйн газрын даргаар тасралтгүй 20 жилийн хугацаанд ажиллаж нийт 765 инженер, техикийн ажилтантай болтол нь хөгжүүлж Геодези, зураг зүйн салбарын бат бөх суурийг тавьжээ. Геодезийн мэргэжилтнүүд 1300 метрийн гүн дэх Оюу толгойн ордын барилгын болон уурхайн геодезийн ажилд хүчин зүтгэж байна. Өнгөрсөн хугацаанд 500 орчим газрын зураг, атлас хэрэглэгчдийн гарт очсон байна. Эдгээр бүтээлүүдээс онцлох бүтээл нь Монгол улсын үндэсний атлас юм. Монгол Улс нийгэм, эдийн засгийн шинэ нөхцөлд байдалд шилжсэнээр геодези, зураг зүйн ажлыг тусгай зөвшөөрөл бүхий хувийн хэвшлийн компаниуд гүйцэтгэх болсноор төр, хувийн хэвшлийн хамтын ажиллагааны дүнд дэлхий нийтээр хэрэгжиж буй шинэ технологийг амжилттай нэвтрүүлж байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
