2016 оны сонгуулиар ганцаараа бие даан гарч ирсэн дуучин МУГЖ, дуучин С.Жавхлан 2020 оны УИХ-ын сонгуулийн өмнө Ардчилсан намд албан ёсоор элссэн. Өнгөрсөн дөрвөн жилийн хугацаанд ихэд ганцаардаж явсан тэрбээр ШИНЭ намд элсэх гэж байснаа больж, АН-ын гишүүний батлахаа өвөртөлж, сөрөг хүчний, ардчиллын дуу хоолой болно хэмээн мэдэгдэж байсан юм. Тэрбээр 2020 оны УИХ-ын сонгуулиар төрсөн нутаг болох Увс аймагт нэр дэвшсэн. Харин Увсчууд түүнд итгэл үзүүлж түүнийг дахин гишүүнээр сонгоогүй юм. Гэтэл тэрээр нутгийн зон олондоо гомдож “Би дахин Увс аймагт ирэхгүй, Увсынхан миний дүүг битгий сонсоорой” хэмээн сошиал хуудсаараа дамжуулан мэдэгдэл хийсэн нь саяхан. Дахин сонгогдож чадаагүй тэрээр бантсандаа юм уу, олон нийтийн жагсаалд анхаарлаа хандуулж олон ч хүмүүсийг хэд хэд донсолгоод авсан. Гэсэн ч түүний жагсаал зорилгодоо хүрч чадаагүй юм.
Харин одоо "МАНАЙ МОНГОЛ МАНДАНА ТӨСӨЛ"-ийг санаачлан ажиллаж байгаа юм. МУГЖ, дуучин маань ард түмний хайртай хүүгээс олны анхаарлын төвд байх дуртай нэгэн болж хувирсанг нуух юун.
Тэрээр сүүлд цахим хуудаснаа олны эгдүүуцлийг бас л хүргээд авлаа:
“Дуу бол авиа зүйн эмчилгээ бясалгал гэгээрэл юм. Дуурсаж урлаж ухаарах гэсэн үгний товчлол юм.Дууг чин цагаан сэтгэлээсээ аялгуулагч хүмүүнийг Дуу-чин гэдэг. Цагаан сэтгэлгүй бол дуу нь түмэнд хүрдэггүй. Дуучин хүн тэнгэрийн элч юм. Тоглолт бол нэг ёсондоо шашнаар бол хурал хурж маанийн ерөөл тавьж байна гэсэн үг юм. Тангад маани мэгзэм уншлагыг орчуулаад үзэхээр зүгээр л дууны үгтэй ялгаагүй л үг ерөөл байдаг. Миний тоглолтод ирсэн олон хүн хорт хавдар аюулт өвчнөөс гэтэлсэн байдаг” хэмээн нийтэлжээ.
Ийнхүү МУГЖ дуучин С.Жавхлангийн тоглолтыг үзэх гэж ирсэн олон хүн хорт хавдраас ангижирдаг бол Монголчууд бүгд С.Жавхлангийн тоглолтыг өдөр бүр үзээд байвал зөв бус уу?
Иймд С.Жавхлан ард түмний хайр хүндэтгэлийг үгүйлсэндээ ийнхүү хэлэв үү? Ард түмнийг бассандаа ийнхүү ярив уу?
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
