|
2021.11.02 Уур амьсгалын өөрчлөлтийн асуудлаарх дэлхийн удирдагчдын дээд хэмжээний чуулга уулзалтад оролцсон Ерөнхийлөгч У.Хүрэлсүх Монгол Улс дэлхийн дулаарлын эсрэг 2030 он гэхэд нэг тэрбум мод тарина гэдгийг олон улсын индэр дээрээс зарлав.
Энэхүү санаачилгын хүрээнд “Тэрбум мод” хөдөлгөөнийг орон даяар эхлүүлж, газар нутгийн 9%-ийг 2030 он гэхэд ойжуулах зорилт тавьсан ба уул уурхайн 22 компани 620 орчим саяыг нь тарихаар болоод буй.
Нийслэлчүүд 2021 оныг хөл хорионд угтав
2021.01.01 Нийслэлчүүд 2021 оныг хөл хорионд угтав. 2020 оны арванхоёрдугаар 23-наас 14 хоногийн хатуу хөл хорио тогтоосон ч 2021 оны нэгдүгээр сарын 4-нд хугацааг нь сунгах Засгийн газрын шийдвэр гарсан юм. Үүний дараа нийслэлийн дүүргүүдэд хэсэгчилсэн хөл хорионууд тавигдсан. Дараагийн хатуу хөл хорио хоёрдугаар сарын 11-23-нд үргэлжилсэн бол гуравдугаар сараас орон нутагт халдвар дэгдэж, 18 аймгийн 189 суманд хэсэгчилсэн урт, богино хугацааны хөл хорио тавихад хүрэв. Нийслэл хотод дөрөвдүгээр сарын 10-наас эхэлсэн хатуу хөл хорио тавдугаар сарын 8-н хүртэл үргэлжилсэн нь сүүлийн хязгаарлалт байлаа. Энэ үеэр Засгийн газраас иргэн бүрд 300 мянган төгрөгийн санхүүгийн дэмжлэгийг “Оюу толгой” компаниас төлсөн татварын мөнгөнөөс олгосон юм.
Вакцинжуулалтаа эхлүүллээ
Хоёр долоо хоногийн хатуу хөл хорио тавигдаж монголчууд ердийн амьдралдаа шилжиж буй эхний өдөр Ерөнхий сайд Л.Оюун-Эрдэнэ коронавирусний эсрэг вакцинжуулалтыг эхлүүлж "AstraZeneca"-гийн анхны тунг тариуллаа.
Манай улс Их Британийн "AstraZeneca", АНУ-ын "Pfizer", ОХУ-ын "Спутник-V", БНХАУ-ын "Verocell" гэсэн дөрвөн төрлийн вакцинаар хүн амаа дархлаажуулахаар төлөвлөж бэлтгэл хангаад байна. Эхний ээлжид олон улсад бүртгэгдсэн "AstraZeneca" болон "Pfizer" вакцинаар хүн амаа дархлаажуулж эхэлнэ. Харин ОХУ, БНХАУ-ын вакциныг ДЭМБ бүртгэсэн даруйд хэрэглээнд нэвтрүүлсэн юм.
36 жил хөвсгөл нуурын ёроолд байсан “сүхбаатар” хөлөг онгоцыг татан гаргалаа
|
.png)
2021.11.08 Хөвсгөл нуурт 1985 онд живсэн Сүхбаатар хөлөг онгоцыг 36 жилийн дараа татан гаргаж, эрэгт байрлууллаа. Нийт 3.3 метр урт, 8.4 метр өргөн, 5.7 метр өндөр “Бор-500” загварын уг хөлөг онгоцыг татан гаргах ажиллагаанд нийт 120 гаруй алба хаагч оролцсон бөгөөд усчин аврагчид 100 удаа шумбаж, 530 гаруй цагийг усан дор өнгөрүүлсний үр дүнд 309 тонн жинтэй “Сүхбаатар” онгоцыг эрэгт байрлуулж чадсан билээ. Монгол Улсын цэнгэг усны 70, дэлхийн цэнгэг усны 0.4%-ийг бүрдүүлдэг Хөвсгөл нуурт живсэн, 400 л техникийн тос агуулсан “Сүхбаатар” хөлөг онгоцноос 100 литр тос алдагдахад л 1.1 км.куб ус бохирдох аюултай байсныг судлаачид хэлдэг. Энэ үйл явдал тус нуурын ёроолд байгаа 60 орчим машин, техникийг гаргах ажлын эхлэл болов.
Нийслэлчүүд газар хөдлөлтийг хамгийн хүчтэй мэдэрсэн нь
|
|
Жилийн дөрвөн улиралтай, эрс тэс уур амьсгалтай манай оронд Уур амьсгалын өөрчлөлтөөс үүдэлтэй цаг агаарын гамшигт үзэгдлийн тоо сүүлийн 20 жилд өмнөх 10 жилтэй нь харьцуулахад бараг төрөл зүйл бүрээрээ ХОЁР ДАХИН нэмэгдсэн. Ялангуяа, газар хөдлөлт улирч буй онд нэлээд олон удаа хүчтэй мэдрэгдсэн юм. 2005 оноос хойш Улаанбаатар хот орчимд газар хөдлөлтийн идэвхжил огцом ихэсжээ. 2021 он гарснаас хойш 10 аймагт газар хөдлөлт бүртгэгдсэн бөгөөд Улаанбаатар хот орчимд 1-4 магнитудын хүчтэй 800 орчим газар хөдлөлт болсон байна. Ялангуяа, Хөвсгөл, Сэлэнгэ, Говьсүмбэр, Төв аймагт болсон томоохон таван газар хөдлөлтийн чичирхийлэл нийслэлд 3-5 баллаар мэдрэгдсэн бөгөөд орон сууцны таван байр, ерөнхий боловсролын нэг сургууль, зургаан цэцэрлэгийн барилга байгууламжийн хана, гадна хийц бүтээцэд цууралт өгснийг мэргэжлийн байгууллагууд мэдээлээд буй.
Аи-92 шатахууны үнээ чөлөөлөв
|
|
2021.11.22 ОХУ-аас тодорхойгүй хугацаанд шатахуун нийлүүлэх боломжгүйгээ мэдэгдсэний дараа нийслэлчүүд шатахуун түгээх станцуудын гадна хэдэн цагаар дугаарлаж, бензиний хязгаарлалтад орж үзсэн жил байв.
Энэ явдлын дараа Монгол Улсын Засгийн иргэдийн өргөн хэрэглэдэг АИ-92 шатахууны үнийг чөлөөлөх шийдвэрийг гаргасан юм. Төр шатахууны үнэд ийнхүү оролцохгүй болсноор дэлхийн зах зээл дээрх шатахууны үнийн хөдөлгөөнийг дагах буюу зах зээлийн жамаараа үнэ тогтох нөхцөл бүрдээд байна. Үнийн огцом өсөлт бий болгож, иргэдэд ачаалал үүсгэхгүйн тулд сүүлийн зургаан сарын үнийг дундчилдаг болж, сард хөдлөх үнийн дээд хязгаарыг 100 төгрөгөөр тогтоосноор зах зээлд шок үүсэхгүй гээд олон давуу тал болно. Өмнө нь төрөөс үнэд оролцож байснаас болж шатахуун импортлогч компаниуд 66.4 тэрбум төгрөгийн алдагдал хүлээгээд байгаа билээ. Уг шийдвэрийн үр дүнд дэлхийн зах зээл дээрх шатахууны үнэ буурахад монголчууд хямд үнээр АИ-92-оо авдаг болно гэсэн хүлээлттэй байна.
64 жилийн дараа олон улсын шинэ нисэх буудалтай болов
|
2021.07.04 Японы олон улсын хамтын ажиллагааны байгууллага/ЖАЙКА/-ын 65 тэрбум иенийн хөнгөлөлттэй зээлийн төслөөр баригдсан Хөшигийн хөндийн нисэх буудлыг албан ёсоор нээв. Шинэ нисэх буудлын хүчин чадал Буянт-Ухаа дахь хуучин буудлаас 2.5 дахин их бөгөөд жилд 3 сая жуулчин хүлээн авах боломжтой. Мөн 3,600 метр урт нислэгийн зурвастай бөгөөд салхины чигээс хамааран баруун, зүүн аль ч талаасаа онгоц бууж болох гээд олон давуу талтай. 33,000 м/кв талбай бүхий нисэх буудлын бүтээн байгуулалтын ажил 2013 онд эхэлж, 2020 оны долдугаар сард дууссан хэдий ч коронавируст халдварын нөхцөл байдлаас шалтгаалан нээлтийн хугацаа хойшилсон ч Монгол Улс 64 жилийн дараа олон улсын шинэ нисэх буудалтай болсон юм.
3%-ийн хүүтэй зээл олгож эхлэв
|
2021.03.10 “Эрүүл мэндээ хамгаалж, эдийн засгаа сэргээх ₮10 их наядын цогц төлөвлөгөө” хэрэгжүүлэхээр болсноо шинэ Засгийн газар зарлав. 1992 оноос анх улаа цар тахлын жилд 5.3 хувиар агшиж, бодит хямрал нүүрлэсэн байсан эдийн засагт энэ хөтөлбөр цагаа олсон дэмжлэг болов. Ялангуяа, ажлын байрыг хадгалахад зориулсан, 3%-ийн хүүтэй ₮2 их наядын зээл, өндөр хүүтэй авсан байсан аж ахуйн нэгжүүдийн зээлийн 790 тэрбумаар дахин санхүүжүүлж, хүүг бууруулсан зэрэг нь эхний есөн сард эдийн засаг 3.6% өсөх нэг хүчин зүйл болсон. ₮10 их наядын хөтөлбөрийн үр дүнд 297 мянган ажлын байр буюу хөдөлмөрийн зах зээлийн 20 гаруй хувийг хамгаалсан гэсэн тооцоолол гараад буй билээ.
|
|
Цар тахлын үеийн койны "хөөсрөл"
|
2021.08.25 Монголын хөрөнгийн бирж өнгөрсөн 30 жилийн хугацаанд 4.5 их наяд төгрөгийн арилжаа хийсэн ба ТОП-20 индекс 2.5 дахин өссөн дээд амжилтуудаа онцолж байв. Тэгвэл криптовалютын зах зээл хүч түрэн орж ирж, 2021 онд ₮2 их наядын арилжаа хийгдэж, койны бүүм болов. Өнөөг хүртэл хуулийн ямар нэгэн зохицуулалтгүй байсан энэ зах зээлд виртуал хөрөнгийн үйлчилгээ үзүүлдэг биржүүд олноор бий болж, иргэд ийм их хэмжээнд хөрөнгө оруулсан нь эрсдэлтэй тул Виртуал хөрөнгийн үйлчилгээ үзүүлэгчийн тухай хуулийг дөнгөж өнгөрсөн долоо хоногт УИХ-аар батлаад байна. Хууль ирэх оны тавдугаар сарын 1-нээс хэрэгжиж эхлэх бөгөөд дагаж гарах журмууд батлагдсанаас хойш дөрвөн сарын хугацаанд биржүүд холбогдох шаардлага ханган СЗХ-нд дахин бүртгүүлснээр арилжаа хийх эрх нь баталгаажих нь. Харин шаардлага хангаагүй койнуудыг хууль бус гэж үзэхээр болов.
|
“Андлалын өргөө”-г нурааж, суурин дээр нь хоёр сарын дотор “тэнгэрийн андлал” цогцолбор барив
2021.08.26 Төсвийн хөрөнгийг үр ашиггүй төлөвлөдгийн нэг тод жишээ нь “Андлалын өргөө” цогцолбор юм. Хэнтий аймгийн Батноров сумын нутаг дэвсгэр Хөхүүрийн хөндийд баригдаж байсан 1.9 тэрбум төгрөгийн төсөвтэй “Андлалын өргөө” цогцолборыг оюуны өмчийн асуудлаас үүдэн наймдугаар сард нураав. Тус бүтээн байгуулалтын гүйцэтгэл анх хийсэн зураг төслийн хэмжээнд хүрээгүй хэмээн үзсэнээс гадна Ерөнхий сайдын хамаарал бүхий компани гүйцэтгэсэн зэрэг асуудлуудыг хэвлэл мэдээллийн хэрэгслүүд хөндсөний дараа энэхүү үйл явдал болсон юм. Харин хөшөөг нурааснаас хойш богино хугацаанд, суурин дээр нь урлагийн гавьяат зүтгэлтэн, уран барималч А.Очирболдын урласан “Тэнгэрийн андлал” цогцолборыг босгов.
|
32 тэрбумын төсөвтэй бурхны хөшөөг барьж эхэлжээ
32 тэрбум төгрөгөөр "Богд Зонхова" цогцолборыг Чингэлтэй дүүргийн Тасганы овоонд 2022 онд барихаар төлөвлөснийг төсөв хэлэлцэн баталдаг эрхмүүд, тэр дундаа тойргоос нь сонгогдсон гишүүд мэдээгүй асуудал иргэдийг бухимдуулсан юм. Үүний дараа Соёлын сайд уг цогцолборыг санхүүжүүлэхгүй гэдгээ мэдэгдсэн ба анх удаа хуулиар батлагдсан төсвийн үргүй зардлыг иргэд зогсоож чадсан нь энэ билээ.
У.Хүрэлсүх, В.В.Путин нарын ганцаарчилсан уулзалт хийсэн
|
2021.12.16 Ерөнхийлөгч У.Хүрэлсүхийн ОХУ-д хийсэн анхны гадаад айлчлал нь өмнөх Ерөнхийлөгчийн бүрэн эрхийнхээ хугацаанд биелүүлж чадаагүй туйлын хүсэл байв.Ямартай ч ОХУ-ын Засгийн газрын орлогч дарга В.В.Абрамченко болон ЗХЖШ-ын дарга, Батлан хамгаалахын нэгдүгээр орлогч сайд, армийн генерал В.В.Герасимов нарын өндөр албан тушаалтнууд манайд шил шилээ даран ирсэн нь хойд хөрш төрийн тэргүүний энэ удаагийн айлчлалд өндөр ач холбогдол өгч буйг харуулсан үйл явдал болсон. Манай тал ч энэхүү түүхэн айлчлалаас багагүй зүйл хүлээж байсан юм. Айлчлалын дүнд Монголын нутгаар дамжуулан барих байгалийн хийн хоолойн төслийн ажлыг эрчимжүүлэх болсныг В.В.Путин илэрхийлсэн бол Байгал, Таир нууруудын өвөрмөц экологийн системийг бүрдүүлэх хил дамнасан гол мөрнийг хамгаалахад хамтран ажиллах болсныг мөн мэдэгдсэн. Ингэснээр монголчуудын хувьд эдийн засгийн багагүй үр өгөөжтэйд тооцогдсон Эгийн голын УЦС-ыг дангаар шийдэн, эхлүүлэх боломж бий болсон уу, үгүй юу гэдгийг харах үлдээд байна.
МАН-ын 30 дугаар их хурал боллоо
|
|
МАН-ын 30 дугаар Их хурал өнөөдөр "Улаанбаатар палас"-ын танхимд эхэллээ. Тус хуралд 21 аймаг, есөн дүүргээс хүрэлцэн ирсэн 1245 төлөөлөгч оролцож байна. Их хурлыг МАН-ын дарга, Монгол Улсын Ерөнхий сайд Л.Оюун-Эрдэнэ нээж үг хэлж албан ёсоор эхлүүлэв. Үүний дараагаар 30 дахь Их хурлын Мандатын комиссын даргаар Д.Сарангэрэлийг томилсны дараа тэрбээр Мандатын комиссын илтгэлийг танилцуулав. Хурал даргалагч Д.Тогтохсүрэн хэлэлцэх асуудлын дарааллыг танилцуулж байна.\Өнөөдрийн хуралдаанд МАН-ын дарга, Монгол Улсын Ерөнхий сайд Л.Оюун-Эрдэнэ, “Эдийн засгийг эрчимжүүлэх шинэ сэргэлтийн бодлого”-оо танилцуулна. Дараа нь Хяналтын ерөнхий хорооны тайлан, мэдээллийг сонссоноор МАН-ын Ерөнхий нарийн бичгийн дарга Д.Амарбаясгалан “Шинэ зуун дэвшилтэт бодлого” сэдвийн хүрээнд дөрвөн жилийн хугацаанд хийж хэрэгжүүлсэн ажлаа тайлагнах юм. МАН өнөөдрийн байдлаар, 278 мянга 716 гишүүнтэй болсон бөгөөд Их хурлын нэг төлөөлөгч 224 гишүүнийг төлөөлж байна. 30 дахь удаагийн Их хурлын хамгийн ахмад төлөөлөгч нь 92 настай бол хамгийн залуу нь 22 настай. Их хуралд урилгаар 200 хүн оролцож байгаа бөгөөд нийт төлөөлөгчдийн 295 нь буюу 25 хувь нь эмэгтэйчүүд байна.
|
Ардчилсан нам “Онц Их хурал” боллоо.
Энэ удаагийн Их хуралд 330 сум, 21 аймаг, есөн дүүргийн 1381 төлөөлөгч оролцож 95 хувийн ирцтэйгээр хуралдав. Монгол Улсын 330 сумын Ардчилсан намын дарга нарын 300 нь Их хуралдаа биечлэн оролцож байгаа бөгөөд тэд одоо ашиглаж байгаа тамгаа бүгд авчирч намынхаа эв нэгдлийн төлөө тамгалж Ардчилсан нам анхан, дунд шатандаа хагарал хуваагдалгүй цул байгаагаа илэрхийлсэн нь онцлог байлаа. Түүнчлэн хуралд оролцогчдын хамгийн залуу нь 18, хамгийн ахмад нь 80 настай хүн байгааг хурал даргалагч танилцуулсан. Хоёрт, Үндсэн дүрэмд өөрчлөлт оруулж намаас гишүүн хөөдгийг болиулах, намаас нэр дэвших хүн “тооноор орж” ирдэг биш анхан, дунд шатнаас сонгогддог болох гэсэн агуулга бүхий байв. Тиймээс Их хурлын тэргүүлэгчид долоон тогтоолын төсөл гаргаж санал хураалтаар тогтоолын төсөл дэмжигдэв. Түүнчлэн Ардчилсан намын даргын цахим сонгуулийг хүчингүйд тооцож, нийт намын гишүүдийн саналаар сонгогдсон УИХ-ын гишүүн О.Цогтгэрэлийг Ардчилсан намын даргаар ёсчлон баталлаа. Ардчилсан намын дарга О.Цогтгэрэл намын Ерөнхий нарийн бичгийн даргаар Л.Гантөмөрийн нэрийг дэвшүүлж, төлөөлөгчдийн 100 хувийн саналаар тэрээр Ардчилсан намын генсек боллоо.
|
10 төрөлд оролцсон анхны олимп
|
2021.08.05 Япон улс Ази тивд анх удаа олимпын наадмыг хоёр удаа зохион байгуулж буй улсаар түүхэнд бичигдэв. Ялангуяа, цар тахлын хүнд нөхцөлд Зуны 32 дахь олимп “Токио-2020”-ыг зохион байгуулсан нь онцлог үйл явдал байв. Тус олимпод манай улсын 43 тамирчин анх удаа спортын 10 төрөлд оролцож, хурд хүч, авхаалж самбаагаа сорин өрсөлдсөн ба нэг мөнгө, 3 хүрэл медаль хүртсэн амжилт гаргасан тамирчдаа угтан авсан юм.
|
Ширээний теннис, 3х3 сагсан бөмбөгийн төрлөөр монголчууд анх удаа олимпод оролцсон бөгөөд тамирчдын 60% нь эмэгтэйчүүд байсан нь мөн л манай улсын спортын түүхэнд онцлох үйл явдал байсан билээ.
Өвлийн спортын анхны ордон сүндэрлэв
|
2021.09.29 Сүүлийн хоёр жилийн хугацаанд Монгол Улсад хийгдсэн томоохон бүтээн байгуулалтын нэг нь мөсөн ордон юм.2,600 хүний суудал бүхий “Мөсөн өргөө” цогцолборыг ашиглалтад орсноор хоккей, уран гулгалт зэрэг өвлийн спортыг хүүхэд залуусын дунд хөгжүүлэх нөхцөл бүрдэж байгаагаас гадна сагсан бөмбөг, гар бөмбөг, уран сайхны гимнастик, бокс зэрэг багийн олон гарцаарчилсан спортын төрлүүд, соёл урлагийн тоглолт, экспо, хурал зэрэг олон нийтийг хамарсан арга хэмжээг тус ордонд зохион байгуулах боломжтой.
Иргэд жагсаал хийж засгийн газар бүрэлдэхүүнээрээ огцорсон
Нэгдүгээр сарын 19-ний өдөр дөнгөж амаржсан нялх биетэй ээжийг хүүхдийн хамт ХӨСҮТ рүү шилжүүлэхдээ халад, гэрийн шаахайтай нь хүйтэн машинд суулгаж авч явсан асуудал сошиалд шуугиан тарьж, иргэдийг бухимдуулсан. Улмаар нэгдүгээр сарын 20-ны өдөр иргэд сайн дураараа Сүхбаатарын талбайд цуглаан хийж УОК-ыг огцрохыг шаардсан. Мөн өдрийн орой УОК-ын дарга Я.Содбаатар, Эрүүл мэндийн сайд Т.Мөнхсайхан нар албан тушаалаасаа огцрох хүсэлтээ гаргасан. Мөн хөл хориог сулруулж, халдвар хамгааллын дэглэмийг чанд сахин шат дараатайгаар худалдаа үйлчилгээний газруудыг нээсэн. Энэ мэт өнгөрсөн долоо хоногт болсон үйл явдлыг тоймлон хүргэе.
Төв талбай дахь "No naadam" цуглаан
|
2021-07-01 Сүхбаатарын талбайд иргэд баяр наадмыг зохион байгуулахыг эсэргүүцэн #No Naadam, "Тэвчээр тасарлаа" уриатай тайван жагсаал зохион байгууллаа. Тэд Улсын онцгой комисс, Засгийн газраас Үндэсний их баяр наадам, тэр дундаа хурдан морины уралдааныг зохион байгуулахыг эсэргүүцсэн юм. Унаач хүүхдүүдийг хурдан морины уралдаанд оролцуулах нь хүүхдийн амь нас, эрүүл мэнд, аюулгүй байдалд заналхийлж байна гэж үзэж буй. Мөн сөхөрч буй эрүүл мэндийн ажилтнуудаа хамгаалъя, бизнесээ авч үлдье, "Тэвчээр тасарлаа" хэмээн үзэл бодлоо илэрхийллээ. Сурагчдын элсэлтийн ерөнхий шалгалтыг хойшлуулсан ч хурдан морьдын уралдааныг цуцлаагүй, бизнесийн байгууллагуудын ажлыг гацааж, олныг хамарсан үйл ажиллагааг хориглосон ч Ерөнхийлөгчийн тангараг өргөх ёслолоор цэргийн жагсаал зохион байгуулсан, иргэд нь Ковидоор өвдөж, амиа алдаж байхад их буугаар буудаж баяр тэмдэглэсэн, халдвар авсан иргэдээ хөсөр хаяж, сөхөрч буй эрүүл мэндийн салбарын ажилтнуудад анхаарлаа хандуулахаа болилоо гэх мэт бугласан бухимдал нь дэлбэрч, тэвчээрийн утас нь тасарсан. Тиймээс өнөөдөр төв талбайд цар тахлын үеэр амиа алдсан иргэдийн ар гэрийнхэнд эмгэнэл илэрхийлж, зул өргөхийн зэрэгцээ
|
|
|
|
|
|
|
|
|
|
.jpg)
Like
1
Зөв
0
0
Буруу
0
Воов
0
Уйтгартай
0
Дуртай
.png)
