Гадаадын улс орноос ирж байгаа иргэдийг гурав хоног тусгаарлах арга хэмжээ авахыг Шадар сайд С.Амарсайхан үүрэгдсэн. Үүний хүрээнд өнөөдрийн байдлаар 13 тусгаарлах байранд 464 иргэн тусгаарлагдаад байгаа аж. Харин Шадар сайд С.Амарсайхан болон Улсын онцгой комиссын санааг чилээж байгаа асуудлуудын нэг нь тусгаарлагдаж байгаа иргэдээс гомдол, санал ихээр ирж байгаа бололтой. Тодруулбал тэрбээр Улсын онцгой комиссын шуурхай штабт өчигдөр буюу /2022.1.3/ өдөр ажилласан байна. Энэ үеэр гадаадаас ирсэн тусгаарлалтад байгаа иргэдийн гомдол, саналыг хүндрэл чирэгдэлгүй шуурхай хүлээн авч, анхаарч, шийдвэрлэж ажиллахыг онцлон үүрэг өгсөн юм.
УОК нь иргэдээс ирсэн 600 гаруй гомдлыг хүлээн авч, шийдвэрлэн ажилласан байна.
Гадаадаас ирсэн иргэд гурван хоног тусгаарлагдахдаа 0-4 настай хүүхдийг 30 мянган төгрөг, 5-аас дээш настай бол үндсэн төлбөр болох 100 мянган төгрөгөөр тусгаарлах байруудад тусгаарлагдаж байгаа аж. Тодруулбал доорх зочид буудлуудад УОК-ын шийдвэрийн дагуу тусгаарлагдах юм байна.
Кентавр, Сүнжин гранд, Амар, Ворлд Монголия, Тэмүүжин, Мөнххустай, Лион Товер, Оффис, Хабу, Юниверсал Мед, Зүчи, Тоёоко Инн Улаанбаатар, Альфа, Монголика, Цэцэнхангай, Наранбулаг, Тайж, Гайде, Топаз, Парк зочид буудлууд УОК-ын Нэгдсэн шуурхай штабын ажлын хэсгийн сонгон шалгаруулалтад тэнцсэн юм.
Харин эдгээр зочид буудлуудад иргэд тусгаарлагдахгүй өөрсдийн сонголтоороо тусгаарлагдана гэвэл зочид буудлын үнэ ханш хамгийн хямд нь 330 мянган төгрөгөөс эхэлж байгаа аж. Иймд Улсын онцгой комисс тусгаарлах байруудын асуудлыг эцэслэн шийдвэрлэж, төлбөрт мөн өөрчлөлт оруулж магадгүй хэмээн дурдсан юм.
УОК-д гадаадаас ирсэн иргэдийн гомдол нь тасрахгүй байгаад Шадар сайд санаа зовинон ажиллаж байна.
Like
0
Зөв
0
0
Буруу
0
Воов
0
Уйтгартай
0
Дуртай
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
