Эдийн засаг хөгжлийн сайдын багцад 4.39 тэрбум, Цахим хөгжил, харилцаа холбооны сайдын багцад 1.86 тэрбум төгрөгийн зардалтай хоёр яамыг шинээр байгуулахаар 2022 оны төсөвт суулгасан. Цахим хөгжил, харилцаа холбооны яам нь Монгол Улсын цахим шилжилтийг хариуцаж дэлхийтэй хөл нийлүүлэх бол Эдийн Засаг хөгжлийн яам нь төсвөөс зарлагдаж буй мөнгө, төсвийн үрэлгэн байдлыг хянах, цаашлаад эдийн засгаа эрчимжүүлэх, томоохон төсөл хөтөлбөрүүдийг хэрэгжүүлэх юм. Иймд улс нийгэмд маш чухал хэрэгтэй нэн шаардлагатай уг яамд 2022 оны нэгдүгээр сарын 1-ний өдрөөс үйл ажиллагаагаа явуулах учиртай.Гэтэл уг хоёр яамыг удирдаж авч явах сайд нь хэн нь мэдэгдэхгүй, хаана байрлах нь тодорхойгүй байгаа юм.
Шинэ яамдтай болсноор Засгийн газар 16 яам, 18 сайдтай ажиллана.
Уг яамдыг удирдах "уралдаан" засгийн газар дотор аль хэдийнээ өрнөж төсвөө ч батлуулаад авсан. Харин төрөөгүй хүүхдэд төмөр өлгий гэгчээр юу юуны духанд хүрэлгүй төсвөө баталдаг нь манай гишүүдийн зан бололтой. Харин Цахим хөгжил харилцаа холбооны сайдад УИХ-ын гишүүн Н.Учрал, Эдийн засгийн хөгжлийн сайдад УИХ-ын гишүүн Б.Чойжилсүрэн, Ж.Ганбаатар нарын нэрс яригдаад байгаа аж.
Ямартай ч энэ оны нэгдүгээр сарын 1-ээс үүрэгт ажилдаа орох яамд маань аниргүй байгаа нь харамсалтай
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
