“MCS групп”-ийн дэд захирал, "Шарк Танк" нэвтрүүлгийн шүүгч Д. Энхтүвшин нь MУИС-ийг төгсөөд 1997 онд "МCS" группээс ажлын гараагаа эхэлсэн. Түүнээс хойш тус компанийн олон төсөлд үр бүтээлтэй ажиллаж, “Дэлхийн хөгжлийг Монголд” уриагаа бодитоор хэрэгжүүлэхэд нь үнэтэй хувь нэмэр оруулж ирсэн юм. Монголын топ компанид 20 гаруй жил ажиллаж, бизнесийн талбарт арвин туршлага хуримтлуулсан Д.Энхтүвшин сүүлийн жилүүдэд "Шарк Танк" нэвтрүүлгийн шүүгчээр ажиллаж, гарааны бизнесүүдийн тулхтай дэмжигч, зөвлөх болоод буй юм
Тэрээр цахим хуудаснаа "1997 онд ажилд орсноос хойш 24 жил нэг компанид ажиллажээ. Анх ажилд ороход 100 хүрэхгүй хүнтэй байсан компани маань одоо 10.000 давсан ажилтантай болжээ. энэ аяллаа ингээд өндөрлөж байгаадаа өөрийгөө илүү сорих шинэ аялал эхлүүлэх гэж байгаадаа сэтгэл их догдолж байна. Өнгөрсөн хугацаанд хамт ажиллаж дэмжиж тусалж байсан бүх хүмүүстээ баярлалаа. Олон зүйлийг үйлдлээрээ зааж сургаж өдий зэрэгт хүргэсэн Ж.Оджаргал захиралд баярлалаа. MCS group хамт олондоо цаашдын ажил үйлсэд нь улам өндөр амжилт хүсье. 24 жилийн хугацаанд хуримтлуулсан мэдлэг, туршлагаа бусад шаардлагатай компаниудтай хуваалцаж, өсөж хөгжихөд нь туслах бодолтой байгаа" хэмээн нийтэлжээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
