Санхүүгийн мэдээллийн нэгдсэн системийн хяналт, програм хангамжийн хөгжүүлэлтийг хариуцах замаар санхүүгийн үйл ажиллагаанд мэдээллийн дэвшилтэт технологийг нэвтрүүлж, санхүүгийн албаны мэдээллийн нэгдсэн санг бий болгох зорилготой “Гааль татвар, санхүүгийн мэдээллийн технологийн төв” -ийн хүнд суртал, үйлчилгээнд ард иргэд бухимдсаар байна.
Тус байгууллага нь Сангийн яамны харьяа Улсын үйлдвэрийн газар болон үйл ажиллагаагаа 2016 оноос явуулж эхэлсэн. Тэд цахим төлбөрийн баримтын систем, Ибаримт зэрэг томоохон системүүдийг хариуцан ажиллаж төрийн байгууллагуудын мэдээлэл солилцооны системийг хөгжүүлэхээр том зорилт тавин ажиллаж байгаа аж. Байгууллага, иргэдийн толгойн өвчин болсон асуудал яахын аргагүй ТАТВАР. Өдөр бүр хэдэн мянгаараа гааль, татварын мэдээллийн технологитой холбоотой асуудалтай тулгардаг хуулийн этгээдүүд хэнд яаж хандах учраа олохоо больж. Үүнийг шийдэж өгөх газар бол Гааль, татварын мэдээллийн технологийн төв юм. Байгууллага, иргэдтэй хамгийн ойр байж хурдан шуурхай үйлчилгээ үзүүлэх ёстой МЭДЭЭЛЛИЙН ТЕХНОЛОГИ гэх сүржин нэртэй байгууллага өнөөдөр хөрсөн дээр эсрэгээрээ иргэдийн ажилд чирэгдэл учруулж, бүдүүлэг аашилж байна.
Санхүүгийн салбарын мэдээллийн технологийг хөгжүүлэх, цахим засаглалыг бэхжүүлэх манлайлагч байгууллага болох уг байгууллага нь угтаа цахим гэдэг тодорхойлолтоо мэдэхгүй Т.Батбилэг гэх эрхмээр ахлуулсан ажлаа мэддэггүй хүмүүсээр дүүрсэн байгууллага бололтой.
Тэд цахим засаглалыг бэхжүүлэх байгууллага. Тэгвэл цахим хаягаараа хүмүүст мэдээлэл өгөх нь нэн тэргүүнд хийгдэх ажил нь юмсан. Гэтэл сүүлийн хоёр жилийн хугацаанд огт мэдээлэл тавигдаагүй байх юм. https://www.facebook.com/itcctf. Хүмүүс мэдээлэл заавар зөвлөгөөг 75777507 гэх дугаарт холбогдон авах ёстой. Гэтэл утсаа огт авдаггүй, хүнд суртал ихтэй гэх иргэдийн гомдол, сэтгэлээр дүүрсэн байв.
.png)
Жишээ нь: “Д” гэх эмэгтэй уг байгууллагатай холбогдох гэж дөрвөн өдөр болсон хэдий ч татварын мэдээллээ авч чадалгүй дараа дараагийн ажлуудад хүндрэл тулгарч асуудалд орсоор байна. Ийм жишгээр маш олон хүмүүст асуудал тулгарсаар...
Засгийн газар “Төрийн үйлчилгээний чанарыг сайжруулж,хүнд сурталгүй болгоно” хэмээн ярьсаар байгаа. Мөн ажлаа хийж чадахгүй байгаа шат шатны дарга нар, ажилчдыг халах, ажлаа хийж чадахгүй бол чаддаг хүнд нь өг хэмээн цаг ямагт хэлсээр байгаа.
Иймд Т.Батбилэг даргаа цахим засаглалыг бэхжүүлэх зорилготойгоор ажиллаж байгаа бол хамгийн түрүүнд иргэдийнхээ хүсэж байгаа мэдээлэл, зөвлөгөөг цаг тухайд нь өгч, ажилд нь чирэгдэл учруулалгүйгээр асуудлуудыг шийдэн хариуцлагатай ажиллаж байхыг нийт иргэд шаардаж байна
Like
0
Зөв
0
1
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
.png)
