Цар тахлын үед тохиолдлыг СӨРӨГ гарах бүрт “баярын алга ташилт” хийж байсан одоогийн УИХ-ын гишүүн, тухайн үеийн Эрүүл мэндийн сайд асан Д.Сарангэрэлийн албатууд АВЛИГАЧ байсныг шүүх тогтоолоо.
Д.Сарангэрэлийг Эрүүл мэндийн сайд байх үед Төрийн захиргааны удирдлагын газрын дарга асан Б.Цогтбаатар, Эм хангамжийн байгууллагын тусгай зөвшөөрлийн асуудал хариуцсан ахлах мэргэжилтэн Б.Болорчимэг, Эрүүл мэндийн байгууллагын тусгай зөвшөөрлийн асуудал хариуцсан мэргэжилтэн Н.Чимэдлхам нар нь хясан боогдуулах замаар хахууль авдаг байсан тул гэм буруутайд тооцсон юм. Энэ шийдвэрийг өнгөрсөн долоо хоногт шүүх гаргав.
ЭМЯ-ны Төрийн захиргааны удирдлагын газрын дарга асан Б.Цогтбаатар нь тендер шалгаруулах хорооны даргаар ажиллаж байхдаа хамаарал бүхий аж ахуй нэгжүүдийн тендерийн материалыг түрүүлж боловсруулах ажлыг бусдад даатгаж, түүний хамаарал бүхий компаниуд нь тендерийг асуудалгүй авдаг гэх үндэслэлээр шалгасан. Бүр сайдад хүртэл нэр яригдаж байсан тэрбээр авлигын хэргээсээ болж сайдын суудлаас атгаад алдав. Түүнийг гэмт буруутай гэж үзэж байсан ч НПГ-аас эрх мэдэл албан тушаалаа урвуулсан хэмээн яллах дүгнэлт үйлдсэн хэргийг “гэмт хэргийн шинжгүй” үндэслэлээр хэрэгсэхгүй болгон цагаатгасан байх юм.
Олон нийт санаж байгаа бол 2019 оны тавдугаар сард Эрүүл мэндийн сайд асан Д.Сарангэрэлийн туслах авлига авч байгаад үйлдэл дээрээ баригдаж, цагдан хоригдсон байдаг. Б.Болорчимэг нь тухайн үед Д.Сарангэрэлийн туслахаар ажиллаж байгаад ЭМЯ-ны Төрийн захиргааны удирдлагын газрын эм хангамжийн байгууллагын тусгай зөвшөөрлийн асуудал хариуцсан ахлах мэргэжилтнээр томилогдсон байдаг юм.
Тэрбээр ЭМЯ-ны Төрийн захиргааны удирдлагын газрын эрүүл мэндийн байгууллагын тусгай зөвшөөрлийн асуудал хариуцсан мэргэжилтэн Н.Чимэдлхамтай хамтарч тендерийн материал өгсөн компаниудыг хясан боогдуулах замаар компаниудаас хахууль авдаг байжээ. Тэд аж ахуйн нэгж байгууллагуудаас 15 сая хүртэлх төгрөгийн хахууль авдаг байсан нь АТГ-ын шалгалтын явцад тогтоогдсон байна.
Шүүхээс Н.Чимэдлхамын нийтийн албанд томилогдох эрхийг долоон жил хасаж, нээлттэй ангид дөрвөн жил хорих ял эдлүүлэх, Б.Болорчимэгийн нийтийн албанд томилогдох эрхийг долоон жилээр хасаж, 40 сая төгрөгөөр торгохоор шийдвэрлэв.
“Хатан эх” хэмээн цахим орчинд өргөмжлөгдөж байсан Д.Сарангэрэлийг Эрүүл мэндийн сайдаар ажиллаж байхад доорх албатууд нь авлига авч, халаасаа зузаатгаж байжээ. Гэтэл Сайд Д.Сарангэрэл нь үүнийг мэдээгүй байсан гэж үү?
Like
1
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
