Өнөөдөр Ерөнхий сайд УОК-ын “явуургүй” зохион байгуулалт хийж чадахгүй байгаа асуудалд ЦЭГ ТАВИЛАА. Коронавируст халдварын шинэ хувилбар зөөвөрлөгдөн орж ирэхээс сэргийлэх зорилгоор гадаад орнуудаас ирж буй иргэдийг тусгаарлах байранд гурав хоног тусгаарлахаар Улсын онцгой комисс өнгөрсөн сард шийдвэрлэсэн. Гэтэл тусгаарлах байр, зочид буудал нь бохир заваан, иргэдэд өгч буй хоол нь хүйтэн, амтгүй, өрөөнүүд нь жоомтой, хулганатай, цагаан хэрэглэл нь шарласан зэрэг шүүмжлэл иргэдээс ихээр ирж УОК-ын “ЧАДВАРГҮЙ”-г буруушааж байгаа.
Тэгвэл УОК-ын энэ шийдвэрийг цуцалж, иргэд гэрийн тусгаарлалтад гурав хоног байх нь зүйтэй гэж Засгийн газар үзлээ.
2020 оны нэгдүгээр сараас хойш хоёр жил коронавирустэй нүүр тулж, хөл хорих, тусгаарлах, халдвар хамгааллын дэглэм барих, тогтоох, хариу арга хэмжээ авах гээд суралцвал суралцах хугацаа УОК-т байлаа. Тэр дундаа Шадар сайдад. Гэтэл өдөр ирэх тусам шийдвэр, үйл ажиллагаа нь “МУУДАЖ” байгаа нь УОК-ын дарга, Шадар сайд С.Амарсайхантай холбоотой аж.
Учир нь Шадар сайд С.Амарсайхан удирдлага чиг үүргээр хангаж чадахгүй, зөвхөн улс төрийн тоглолт хийж, оноо авах гэж оролддог, гаргасан шийдвэр, ярьсан хэлснээсээ эргэж буцдаг байдал нь асуудлыг дордуулж байгааг УОК-ын зарим гишүүд ярих болжээ. Тэрбээр Засгийн газартай зөвшилцөж ойлголцож чадахгүй, өөрийн дураар “авирлах” болсон гэх шуум бас бий.
УОК-ын эргэж буцдаг, шийдснээ цуцалсан шийдвэрээс болж иргэд цаг хугацаа, эд хөрөнгө, эрүүл мэнд, сэтгэл санаагаараа хохирсоор байна.
Одоо Засгийн газар давхар дээлтнээр багаа бүрдүүлэх эсэх асуудал хөндөгдөж байгаа. Танхимдаа салхи оруулах бор шувуу төрийн ордноо нисэж буй. Тэгвэл Шадар сайд С.Амарсайхан тэр “салхинд хийсэх” хамгийн эхний хүн бололтой. Түүнийг огцруулж ёсзүйн хариуцлага хүлээлгэх аж.
Дараагийн дугаарт: С.Амарсайхан нөлөө бүхий улс төрчтэй "ДАЙН" зарласан уу?
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
