Энэ сарын 13-нд Тонга дахь "Хунга Тонга Хунга Хаапай" гэх усан доорх галт уул найман минутын турш дэлбэрснээс үүдэн Нукуалофагийн ордны талбайгаас гадна далайн эрэг, төв гудамж үерт автаад байна.
Хүчтэй дэлбэрэлтийн улмаас 1.2-3 метрийн өндөртэй цунами үүсэж болзошгүй байгаа бөгөөд Японы эрх баригчид бямба гаргийн үдээс хойш орон даяар цунамигийн түгшүүр зарласан байна. Америкийн Самоа болон Чили улсад мөн түгшүүр зарлалаа. Их давалгааны улмаас Савайн арлын өмнөд хэсгийн тосгоноос зуу гаруй гэр бүлийг нүүлгэн шилжүүлсэн байна.
Түүнчлэн АНУ-ын баруун эрэгт байрладаг муж улсуудад Тонга дахь галт уулын дэлбэрэлтийн улмаас цунами үүсэж болзошгүйг анхааруулжээ.
Японы Номхон далайн эргийн газруудад 30-90 см-ийн өндөр цунами үүсжээ. Энэ удаагийн цунами нь газар хөдлөлтөөс үүдэлтэй цунамигаас ялгаатай, урьдчилан таамаглахад илүү төвөгтэй тул нөхцөл байдал хурдан өөрчлөгдөх магадлал дараагийн өдөр ч хэвээр байж магадгүй байна. Иймээс Японы иргэдэд далайн эргийн газруудыг яаралтай орхиж, эрх баригчдаас холбогдох заавар өгөх хүртэл буцаж очихгүй байхыг уриалав.
Like
0
Зөв
0
0
Буруу
0
Воов
1
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
