Цахим үндэстэн гэх сүржин нэртэйгээр Монгол улс дэлхийтэй хөл нийлүүлэн алхан дэвшилтэд технолгируу тэмүүлэн ажиллаж байгаа нь олзуурхмаар. Гэвч үүнтэй зэрэгцээд иргэдийн бухимдал тэр дундаа жолооч нар бухимдлаа илэрхийлээд байгаа юм. Тодруулбал, Авто тээврийн үндэсний төвөөс тээврийн хэрэгслийн гэрчилгээг хэвлүүлэх ажилд 270 сая төгрөгийн тендер зарласантай холбоотойгоор мэдээллүүд гараад байгаа аж.
Учир нь төрийн үйлчилгээг цахимжуулж иргэдэд чирэгдэл учруулахгүйгээр үйлчлэх зорилго, зорилт тавин засгийн газар ажиллаж байгаа. Гэтэл жолооч нарын жолооны үнэмлэхийг цахим болгосон шиг тээврийн хэрэгслийн гэрчилгээг цахим болгож 270 сая төгрөг улсын төсвөөс мөнгө зарлагдахын оронд жолооч нарт хэрэгтэй ажлуудыг хийхийг жолооч нар хүсээд байгаа юм.
Энэ талаар “Авто тээврийн үндэсний төв”-ийн захирал Г.Гүрсонзоноос тодруулахад тэрээр: “Монгол улсын хэмжээнд жилд 450 сая иргэд тээврийн хэрэгслийн гэрчилгээг хоорондоо шилжүүлж байна. Үүнтэй холбоотойгоор маш олон маргаан гардаг. Машин гэдэг нь өөрөө явдаг эд хөрөнгө юм. Тиймээс гэрчилгээний сериал, номерууд нь тухайн хөрөнгийн баталгаа болж өгдөг. Бид жилийн жилд цаасны хомстолд орж байгаа үеүдэд хэвлэлтийн зардлаа их танаж байгаа. Өнөөдөр төрийн үйлчилгээ цахимд шилжиж байгаа бид үнэт цаасаар хэвлэгддэг тээврийн хэрэгслийн гэрчилгээг цахим болгох боломжгүй юм.
Жолооч”Г”:
Бичиг баримт биедээ авч явахгүй гээд байж чухал бичиг баримтуудыг цахим болгочихвол бидэнд маш их амар байна. Учир нь ямар нэгэн байдлаар гэрчилгээгээ хаяхад буцааж авахад их чирэгдэл учирдаг. .
Жолооч “Д”:
Олон газрууд л үнэт цаастай байна. Тээврийн хэрэгслийн гэрчилгээ ганцхан үнэт цаастай газар биш. Газрын гэрчилгээ гээд л олон газрууд цахим болгоод болоод л байна.
Жолооч “С”:
Ер нь засвар, хэвлэл гэх мэт зүйлсэд төрийн мөнгөөр тоглодог хүмүүс их шүү дээ. Тийм болоод л хэвлүүлэхээ зогсоохгүй байх даа. Энэ зүгээр миний л бодол шүү. Ер нь бол биедээ ямар ч бичиг баримтгүй болгох юм яриад байсан. Тээврийн хэрэгслийн гэрчилгээг цахим болгоод хэвлэлтийн зардлыг нь жолооч нарт чиглэсэн ажлуудыг хийдэг бол сайхан даа...
Иймд иргэд тээврийн хэрэгслийн гэрчилгээг цахим болгосноор олон асуудлуудыг шийдэх талаар ярьсан юм. Иймд АТҮТ-ийн дарга танд жолооч нарын хүсэлтийг уламжилж байна.
Үргэлжлүүлэн сурвалжилна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
