Өчигдөр буюу нэгдүгээр сарын 17-ны өдөр Монгол Ардын намын Удирдах зөвлөл хуралдаж Байгаль орчин, аялал жуулчлалын сайдын томилгоог хэлэлцсэн юм. Уг зөвлөлөөс БОАЖ-ын сайдад Шударга өрсөлдөөн хэрэглэгчийн төлөө газрын дарга Б.Бат-Эрдэнийг нэр дэвшүүлсэн6
Тэгвэл өнөөдөр буюу нэгдүгээр сарын 18-ны өдрийн УИХ-ын чуулганы нэгдсэн хуралдаанаар, агаарын бохирдлыг төлөвлөгөөт хугацааны дотор шийдвэрлэж чадаагүй гэх үндэслэлээр БОАЖ-ын сайд Н.Уртнасанг ажлаас нь чөлөөж түүний оронд Шударга өрсөлдөөн хэрэглэгчийн төлөө газрын дарга Б.Бат-Эрдэнэ томилогдлоо.
Тэрээр хэлэхдээ: "Сайд болоод хамгийн эхэнд анхаарах ажил бол агаарын бохирдлыг бууруулах. Тэр дундаа сайжруулсан шахмал түлшний үйлдвэрлэл болоод үйлдвэрийн техник, технологийн шинэчлэлтийг хийнэ" хэмээн хэллээ.
Б.Бат-Эрдэнэ гэж хэн бэ?
Тэрээр 1977 онд Улаанбаатар хотод төрсөн. 1996 онд Нийслэлийн 77 дугаар дунд сургууль, 1999, 2010 онд Улаанбаатарын Их сургуулийг тус тус төгссөн. Түүх судлын зэрэгтэй. 2003-2012 онд “Силк Роуд Трэвел” ХХК, “Эйр тикет” ХХК-ийн ерөнхий захирал, 2011-2012 онд Мэдээлэл, харилцаа холбоо, шуудангийн газарт зөвлөх, 2012-2015 онд МАН-ын дэргэдэх Нийгмийн Ардчилал Монголын залуучуудын холбооны Ерөнхий нарийн бичгийн дарга, 2015 онд Монгол Улсын Шадар сайдын зөвлөх, 2015-2016 онд Мэргэжлийн хяналтын ерөнхий газрын дэд дарга, 2016-2017 онд Улсын Их Хурлын Тамгын газарт зөвлөх, 2017-2018 онд Эрдэнэт хотын хөгжил, бодлого судалгааны хүрээлэнгийн тэргүүн, 2018 онд Засгийн газрын Хэрэг эрхлэх газрын дэд дарга, 2019-2020 онд Эрдэнэт хотын хөгжил, бодлого судалгааны хүрээлэнгийн тэргүүн, 2020 оны наймдугаар сараас Засгийн газрын тохируулагч агентлаг-Шударга өрсөлдөөн, хэрэглэгчийн төлөө газрын даргаар ажиллаж байв. Б.Бат-Эрдэнэ улсад 18 жил ажилласан туршлагатай.
Like
1
Зөв
1
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
