Эдийн засгийн бодлого, өрсөлдөх чадварын судалгааны төвөөс эрхлэн гаргадаг Монгол Улсын өрсөлдөх чадварын тайлан, Аймгуудын өрсөлдөх чадварын тайлан, Дүүргүүдийн өрсөлдөх чадварын тайлангаас Монгол Улсын Засгийн газар, аймаг, хотын удирдлагууд үйл ажиллагааныхаа үр дүнг, хөгжлийн сайн болон саар үзүүлэлтээ тольдон хардаг боллоо. Энэ бол Эдийн засгийн бодлого, өрсөлдөх чадварын судалгааны төвийн судлаачдын 10 жилийн ажлын үр дүн.2020 оны хувьд Аймгуудын өрсөлдөх чадварын судалгааг ҮСХ-оос 2020 оны 7-р сард танилцуулсан “Монгол Улсын статистикийн эмхэтгэл 2019” буюу цар тахлаас үүдэлтэй хөл хорионоос өмнөх үеийн мэдээлэл, 21 аймгийн бизнес эрхлэгчдээс 2020 оны 9-р сард авсан санал асуулга буюу цар тахал, хөл хорионы үеийн мэдээллийг ашиглан гүйтгэлийг танилцуулъя.
• Орхон аймгийн ерөнхий үнэлгээ 1-т, эдийн засгийн тамир тэнхээ 3-т эрэмбэлэгдэж, өнгөрсөн оны үнэлгээний эрэмбэд өөрчлөлт ороогүй,
• Дорноговь аймаг ерөнхий үнэлгээгээр 2-т (өмнөх жил 3-т байсан), эдийн засгийн тамир тэнхээгээр 2-т эрэмбэлэгдэж эрэмбээ ахиулсан боловч нийт оноо нь 5-аар буурсан;
• Дархан-Уул аймаг ерөнхий үнэлгээгээр 3-т эрэмбэлэгдэж (өмнөх жил 4-т эрэмбэлэгдэж байсан) эрэмбээ ахиулсан ч эдийн засгийн тамир тэнхээгээр 10-т орж Бизнесийн үр ашиг, Дэд бүтэц бүлгийн оноо нь 2-оор тус тус буурсан;
• Өмнөговь аймаг ерөнхий үнэлгээгээр 4-т эрэмбэлэгдэж өмнөх оноос 2 байраар ухарсан ч эдийн засгийн тамир тэнхээгээр 1-т эрэмбэлэгдсэн хэвээр байна. Засаглалын үр ашиг бүлгийн оноо ихээхэн буурчээ;
• Төв аймаг сүүлийн нэг жилд хамгийн ихээр оноо нь буурч өмнөх онд 12-т эрэмбэлэгдэж байсан бол 2020 онд 15-т орж ирлээ. Нийт 23 оноо буурсан нь анхаарал татаж байна;
• Ховд аймаг 10 оноогоор, Увс аймаг 9 оноогоор өрсөлдөх чадварын үзүүлэлтээ ахиулж чадсан нь өнгөрөгч 1 жилд хамгийн өсөлттэй үзүүлэлттэй аймгууд боллоо;
• 21 аймгаас Булган [21], Говь-Алтай [20], Баянхонгор [19] аймгууд сүүлд эрэмбэлэгдлээ. Эдгээр гурван аймгийн хувьд Засаглалын үр ашиг үзүүлэлт хамгийн муу хэвээр байна. Гэтэл дарга, гишүүд, төлөөлөгч нь аймгаасаа баян байх юм.
Гишүүдээ энэ хэвээрээ ажлаад байх уу? эсвэл чаддагт нь зайгаа тавьж өгөх үү?
Мөн өнөөдөр Аймгуудын өрсөлдөх чадварын судалгааны дүн өнөөдөр буюу 2022 оны 01-р сарын 26-ны өдөр гарчээ. Судалгаанд дурдсанаар Дорноговь тэргүүлж, Булган аймаг 36 оноогоор сүүл мушгасан гэж дүгнэжээ.
Like
0
Зөв
0
1
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
