Баянзүрх дүүргийн Засаг даргын санаачилгаар энэ сарын 30-ны өдрөөс “Хоггүй орчин” өвлийн их цэвэрлэгээний аянг дүүргийн харьяа хэлтэс, албад, иргэд, ААН-үүдтэй хамтран эхлүүлж байна. Тус аян нь улирал бүр тогтмол зохион байгуулагдах бөгөөд иргэдийн оролцоотой амьдрах орчныг сайжруулах, иргэдийн эрүүл аюулгүй, цэвэр орчинд амьдрах эрхийг хамгаалахад байгууллага, аж ахуйн нэгж, иргэдийн оролцоог нэмэгдүүлэх, дүүргийн нутаг дэвсгэрт үүсч байгаа хог хаягдлыг арилгах, цэвэрлэгээний менежментийг сайжруулах зорилготой юм. “Хоггүй орчин” өвлийн их цэвэрлэгээний аяны нээлтийг дүүргийн 4 байршилд / НҮГ-1 ОНӨААТҮГ-ийн гадна талбай, Дүнжингарав худалдааны төвийн гадна талбай, ЗДТГ-ын байрны урд талбай, 10-р хороо “Монгол дээж” төвийн гадна талбай/ албан ёсоор зохион байгуулж, дүүргийн ИТХ, ЗДТГ, харьяа хэлтэс алба, дүүргийн өмчит үйлдвэрийн газрууд, хороод, эмнэлэг, цэцэрлэг, сургууль, иргэд, ААН-үүд идэвх санаачилгатай оролцож байна. Уг ажлын хүрээнд дүүргийн хэмжээнд нийтийн эзэмшлийн гудамж талбай, гуу жалганд ил задгай үүссэн хогийн цэгийг цэвэрлэх, айл өрх, аж ахуй нэгж байгууллагуудын эзэмшил хашаа, гудамж талбайд хуримтлагдсан хог хаягдал болон цас мөсийг цэвэрлүүлэх, ачиж тээвэрлэх, хог хаягдлын байгууллагуудын хог тээвэрлэлтийг эрчимжүүлэн, хог хаягдлыг бууруулах юм. Цаашид дүүргийн нутаг дэвсгэр дэх хур хогноос салж, улмаар хог хаягдлын менежментийг нэвтрүүлж, хогийг ангилж ялгах, иргэдийн ухамсрыг нэмэгдүүлэх, нийгмийн хариуцлагыг дээшлүүлэхэд онцгой анхаарах юм.
Иймд иргэн та Баянзүрх дүүргээс хэрэгжүлж буй “ХОГГҮЙ ОРЧИН” аянд нэгдэж өөрийн амьдарч, ажиллаж буй газраа цэвэрлээрэй. Бид хамтдаа хүчтэй
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
