Хөгжлийн банкны зээлдэгчийн асуудлаар Ерөнхий сайд өөрийн байр сууриа тодорхой илэрхийллээ. Тэрбээр Шинэ сэргэлтийн бодлогын хүрээнд Хөгжлийн банкыг татан буулгахгүй, дампууруулахгүй. Засгийн газар хариуцлагагүй зээлдэгчдийн өмнөөс зээлийг төлөхгүй. Цаашид Хөгжлийн банкыг экспортыг дэмждэг, импортыг оруулахыг дэмждэг банк болгож олон улсын жишгийн дагуу ажиллах хэрэгтэйг онцолсон юм.
Түүнчлэн Монгол Улсын Засгийн газар Хөгжлийн банкны зээлийг хоёр түвшинд авч үзнэ.
Нэгдүгээрт, зээлээ зориулалтын дагуу ашигласан, барьцаа хөрөнгө нь хангалттай, тухайн төсөл нь Монгол Улсын хөгжилд тодорхой хувь нэмэр оруулсан төсөл, улмаар цар тахлын үед зээлээ богино хугацаанд төлж чадаагүй ААН, байгууллага гэж, Хоёрдугаарт, Улс төрийн нөлөөлөл ашиглаж зээл аваад, зээлээ зориулалтын бусаар өөр зүйлд зарцуулсан, улс төрчид болоод Хөгжлийн банкны удирдлагуудад нөлөөлж барьцаа хөрөнгө хангалтгүй, хариуцлагагагүй зээлдэгчтэй Засгийн газар хуулийн дагуу хатуу арга хэмжээ авна.
Хөгжлийн банк байгуулагдсан 2011 оноос хойшхи бүх хэргүүдийг чанаргүй, барьцаа хөрөнгөгүй, зориулалтын бусаар зарцуулсан зээлийг эрүүгийн хуулийн дагуу мөнгө угаах хэргээр шалгаж өгөхийг Засгийн газар Нийслэлийн прокурорын газарт хүргүүлсэн байгаа гэсэн юм.
Like
0
Зөв
0
0
Буруу
0
Воов
0
Уйтгартай
1
Дуртай
© 2013-2023. Вэб сайт бүтээсэн: Tsast Solution LLC
