Өнөөдөр буюу 2-р сарын 17-ны өдөр “Цус сэлбэлт судлалын үндэсний төв, “Бурханы сүм дэлхийн сайн мэдээний авралын зар нийгэмлэг” хамтран дэлхий дахины цусны донорын хөдөлгөөн-1005 буюу “Алгасал баярын хайр, амь бэлэглэх хайр” өдөрлөгийг амжилттай зохион байгууллаа. 

Уг арга хэмжээнд ЦССҮТ-ийн захирал Н.Эрдэнэбаяр, СБД-ийн ИТХ-ын шашин сүм хийдийг хариуцсан мэргэжилтэн Д.Хонхонцэцэг, СБД-ийн улаан загалмайн хороон дарга н.Өсөхбаяр, БЗД-ийн улаан загалмайн нийгэмлэгийн хороон дарга н.Жавзмаа, БЗД-ийн 4-р хорооны засаг дарга н.Бадамгарав, Биологийн ухааны доктор Т.Байгальмаа, Амгалан дулаан станцын тэргүүн дэд захирал, ерөнхий инженер Ч.Цогтсайхан, Техник, технологийн сургуулийн багш н.Алтангэрэл, БГД-ийн шашин хариуцсан мэргэжилтэн н.Ууганжаргал, БГД-ийн ИТХ-ын эрх зүй, дотоод хяналтын хэлтсийн дарга С.Уранмандах, Хан-Уул дүүргийн ИТХ-ын шашин сүм хийдийн асуудал хариуцсан мэргэжилтэн Э.Ганхүрэм, Хан-Уул дүүргийн ИТХ-ын хууль, эрх зүйн ОНХХ-ийн хуулийн сургалт сурталчилгаа хариуцсан мэргэжилтэн Б.Номингэрэл оролцлоо. Мөн "Бурханы сүм дэлхийн сайн мэдээний авралын зар нийгэмлэг"-ийн итгэгч нар оролцон өргөн цар хүрээнд “Алгасал баярын хайр, амь бэлэглэх хайр” өдөрлөг зохион байгуулагдлаа

Арга хэмжээний үеэр МУЗН-ийн “Нигүүсэл мөнгөн мядал”-ын эзнээр Бурханы Сүм Дэлхийн Сайн Мэдээний Авралын Зарын Нийгэмлэгийн Пастор Ким ЮүльСан шагнагдлаа.

ЦССҮТ-ийн захирал Н.Эрдэнэбаяр:

2012 онд цусны донор цөөрсөн хүнд цаг үед ““Бурханы сүм””-ийн 200 итгэгч нар  оролцож цусаа бэлэглэж, тулгамдсан асуудлуудыг хамтдаа шийдэж байсан юм. Тэр цагаас хойш 10 жил өнгөрчээ. Энэ 10 жил сул өнгөрөөгүй. Бид жил бүр тогтмол хугацаанд байнга цусаа өгдөг. Жилээс жилд цус өгөх  хүмүүсийн тоо ч нэмэгдэж байгаад маш их баяртай байна. Энэ арга хэмжээг сүмийн хамт олон, олон удаа амжилттай зохион байгуулж байдагт манай хамт олон талархаж байна. Мөн дэлхий нийтээрээ явагдаж байгаа өнөөдрийн арга хэмжээнд олон итгэгч нар оролцож байгаад талархаж байна Цаашид ч буятай олон ажлуудыг хамтарч зохион байгуулна гэдэгтэй итгэлтэй байна

“Бурханы сүм”-ийн итгэгч Б. Энхэлмаа

Өнөөдрийн арга хэмжээнд уригдаж оролцож байгаадаа баяртай байна. Манай сүм жил бүр 2-3 удаа цус хандивлах арга хэмжээг зохион байгуулдаг Бурханы сүмд 2009 оноос хойш итгэж явна даа. Энэ хугацаанд нийтдээ 7 удаа цусаа хандивласан байна. Нэг удаа цусаа өгснөөр 3 хүний амь авардаг гэж үздэг. Тиймээс би 21 хүний амь аварч сайн үйлс хийжээ. Үүгээрээ өөрийгөө бахархаж, баярлаж явдаг. Цус гэдэг нь өөрөө цаад утгаараа хайр байдаг. Яагаад гэвэл хүн бүр ээж, аавынхаа мах цусны тасархай болж төрлөө гэж ярьдаг шүү дээ. Хайраар холбогдож байгаа гэсэн үг юм. Бид хайраар аврахын төлөө бүх зүрх сэтгээлээ зориулдаг. Тиймдээ ч манай байгууллага “Хүндэт донор байгууллага”-аар шагнагдсан байх. Бид өөрөө хайр авахыг хүсдэггүй бусдад хайр түгээхийг хүсдэг. Хүмүүс бүгдээрээ бие, биенийгээ хайрлаасай гэж хүсэж байна

““Бурханы сүм"-ийн итгэгч Т.Энх-Од:

Дэлхийн дахины цусны донорын хөдөлгөөн-1005 арга хэмжээнд оролцож байгаад маш их баяртай байна. Өнөөдөр манай сүм дэлхий 175 улсад 7000 салбар сүм амь бэлэглэх хайр буюу цусны донорын өдөрлөгийг зохион байгуулж байна. Ковидын улмаас цус бэлэглэх хүмүүсийн тоо эрс буурчихсан байгаа энэ үед хүн бүр цусаа хандивлаасаа гэж хүсэж байна. Хүмүүс цусаа өгөхийн ач холбогдлыг мэддэггүйгээрээ болж цусаа хандивлаж чаддаггүй байх. Харин цусаа өгснөөр 24 цагын дотор нөхөгдөж 21 хоногт эсийн түвшинд төлждөг. Хүнд цус бэлэглэснээрээ эргээд өөрөө эрүүлждэг гэж хэлж болно. Би Бурханы сүмд итгээд 14 жил болж байна. Энэ хугацаанд 5 удаа цусаа бэлэглэж 15 хүний амийг аварсан байна. Тиймээс та  бүхэн минь цусаа бэлэглэж 3 хүний амийг авраарай гэж хэлмээр байна. Залуус сүүлийн үед их идэвхтэй болсон байна. Цус хандивлах үйлсэд нэгдээрэй залуусаа гэж уриалмаар байна.