Монголын Залуучуудын холбооны ерөнхийлөгч О.Гэрэлт-Одын санаачилгаар гуравдугаар сарын 18-ны өдөр “Монгол Эрчүүдийн үндэсний чуулган” зохион байгуулагдах гэж байна.
Уг чуулганд нийслэл болоод 21 аймгаас залуус оролцох бөгөөд урилгаар салбар бүрийн төлөөлөл байр сууриа илэрхийлэх бол хилийн чанадаас ч залуус санал бодлоо солилцох аж.
Монгол улсын нийт хүн амын 47 хувийг эрчүүд эзэлдэг бөгөөд эрчүүд руу чиглэсэн бодлого, үйл ажиллагаа дутмаг байдаг нь судалгаагаар гарчээ. Иймд “Монгол Эрчүүдийн үндэсний чуулган”-аар эрүүл мэнд, боловсрол, нийгмийн хамгааллын асуудлаар эрчүүд санал солилцохоос гадна олон нийтийн дунд шүүмжлэл өрнөөд буй Монгол эрчүүдийн зан араншин, бие бялдрын хөгжлийн асуудлыг ч хөндөх аж.
Чуулганд 500-800 орчим Эрчүүд оролцох бөгөөд эрчүүдэд тулгардаг асуудлыг хөндөн, гарц, шийдлийг эрэлхийлж, уриалга гарган хамтдаа МОНГОЛ ЭР ХҮН гэж ямар байх ёстойг тодорхойлох юм.
Монголын Залуучуудын холбооны ерөнхийлөгч О.Гэрэлт-Одын санаачилгаар зохион байгуулагдаж буй “Монгол Эрчүүдийн үндэсний чуулган”-ыг энэ жилээс эхлэн жил бүрийн гуравдугаар сарын 18-ны өдөр уламжлал болгон зохион байгуулахаар төлөвлөжээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
