Халуун кофег бусдын толгой дээр асгаж, хэл амаар доромжлон, хууль хүчний байгууллагын үл хүндэтгэсэн МУИС-ийн Хууль зүйн ангийн оюутан Б.Ариунзаяаг тус сургуулиас хөөх ёстой гэсэн саналыг оюутнууд гаргаж, 20 гаруй мянган оюутан гарын үсэг зуржээ. Эл асуудлаар өнөөдөр МУИС-ийн Хууль зүйн сургуулийн захиргаа хуралдан шийдвэр гаргалаа.
Шийдвэр гаргахаас өмнө уг асуудалд холбогдоод буй оюутан Б.Ариунзаяаг өөрийн биеэр ирж тайлбар, мэдээлэл өгөх хугацаа өгсөн боловч хуралд ирээгүй байна. Иймд Хууль зүйн сургуулийн захиргаа тус оюутныг оюутнуудыг эгнээнээс хасахаар шийдвэр гаргажээ. Салбар сургуулийн энэ шийдвэрийг МУИС-ийн захиргааны хурлаар шийдвэрлэх юм.
Энэ талаар өнөөдөр Академич, хууль зүйн шинжлэх ухааны доктор (Sc.D), профессор С.Нарангэрэл, МУИС-ийн Хууль зүйн сургуулийн захирал Б.Амарсанаа нар мэдээллийг өглөө.
Тэд Монгол Улсын Дээд боловсролын тухай хуулийн 6.2 дугаар зүйлд тухайн оюутан суралцагч нь сургуулийн дотоод дүрэм журамд заасан үүргийг биелүүлнэ. Мөн Дээд боловсролын тухай хуулийн 45.2-т сургуулийн дотоод журмыг хүндэтгэн сахина. МУИС-ийн дүрэмд суралцагч нь ёс зүй, эерэг зан үйлийг чандлан сахих, эрдмийн нэр хүндийг хүндэтгэх үүрэгтэй гэж заасан заалтууд зөрчигдсөн тул ийнхүү шийдвэр гаргалаа гэсэн юм.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
