Замын тэмдэг, тэмдэглэгээгүй иргэдэд ээлгүй Нийслэл Улаанбаатар

Нийгэм

0
1064

Замын тэмдэг, тэмдэглэгээгүй иргэдэд ээлгүй Нийслэл Улаанбаатар

Төр.мн I Сэтгүүлч

2022-03-15

Замын тэмдэг, тэмдэглэгээ, явган хүний гарцын зураас бүдгэрч, зарим газруудад гэрлэн дохио тодорхой хугацаагүйгээр унтрах байдал хэвийн үзэгдэл болж байгаа нь харамсалтай юм. Нийслэл Улаанбаатар хотын хүн ам болон авто машины тоо жилээс жилд нэмэгдэж байна. Үүнтэй зэрэгцээд маш олон асуудлууд тулгардаг. Үүний нэг тод жишээ бол замын асуудал.

Тодруулбал, Зарим тохиолдолд авто осол гарах гол шалтгаан нь замын тэмдэг тэмдэглэгээ байхгүйгээс болдог гэдэг. Иргэд шууд утгаараа Замын цагдаагийн газар тэмдэг тэмдэглэгээ хийх ёстой гэж үздэг. Угтаа замын цагдаагийн газар тэмдэг тэмдэглэгээ хийх үүрэггүй. Харин Нийслэлийн авто замын газар хариуцах ёстой аж. Тэгэхээр зөвхөн холбогдох байгууллагад нь замын тэмдэг, тэмдэглэгээ хийж өгөөч хэмээн албан ёсоор захиалга өгдөг гэсэн үг юм. Авто замын газар нь өөрийнхөө үйлдвэр болох компанид өгөөд гүйцэтгэлийг нь хийлгэдэг. Харин мөнгийг нь Нийслэлийн авто замын газраас жил болгон төсөвлөж гаргадаг гэдэг.

Гэтэл тухайн гүйцэтгэгч компани нь мөнгө төгрөгийн боломжгүйгээс болдог ч юм уу гүйцэтгэл нь хийгдэггүй нь илхэн.

Угтаа 32 мянган метр квадрат тэмдэглэгээ хийвэл Улаанбаатар хотын бүх зам эмх цэгцтэй болно. Ингэснээр эгнээ байр, замын гарц зэрэг ойлгомжтой болох юм. Гэтэл жилд энэ ажлын гуравны нэгийг нь л хийгддэг гэдэг.

Тодруулбал, Замын төсөвт 171 сая төгрөг төсөвлөгдсөн гэж тооцоход. Хуучин ханшаар нэг метр квадрат цагаан зурвас тавихад 6896 төгрөг болдог. Энэ мөнгөнд замын зурвасаа хуваах юм бол 24 мянган метр квадрат болно. Энэ бол зөвхөн тэмдэг, тэмдэглэгээ тавих хэмжээ юм. Үүнээс үүдэн замын тэмдэглэлийг дахин сэргээж засах төсөв олгодоггүй аж.

Замын тэмдэгт баталгаат хугацаа байдаггүй. Өнөөдөр зам дээр тавьсан тэмдэг тэмдэглэгээ байхгүй болсон тохиолдолд маргааш нь дахиад тавих шаардлагатай байдаг. Гэтэл хүний амь нас, хөдөлгөөний аюулгүй байдалтай холбоотой замын тэмдэг тэмдэглэгээг ямагт шинэчилж байх нь иргэд рүү чиглэсэн зайлшгүй хийгдэх ажлын нэг болно.

Бид үргэлжлүүлэн сурвалжлах болно.

Нийт сэтгэгдэл 0

! Анхаар! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд tur.mn сайт хариуцлага хүлээхгүй.

ӨМНӨХ МЭДЭЭ

Замын тэмдэг, тэмдэглэгээгүй иргэдэд ээлгүй Нийслэл Улаанбаатар

ЭНЭ МЭДЭЭНД ӨГӨХ ТАНЫ ҮНЭЛГЭЭ?

Нийт сэтгэгдэл 0

Онцлох мэдээ

Холбоотой мэдээнүүд