Хөгжлийн банкинд 213 тэрбум төгрөгийн өртэй “Кью Эс Си”-гийн 30 хувийг эзэмшигч “Оргил Смарт Солюшн” компанийн эзэн н.Бат-Оргил тус банкны Эрсдэлийн газрын захирлаар ажиллаж байсан байна. н.Бат-Оргил гэдэг хүн нэг талаас зээл авагч, нөгөө талаас зээл олгогч байсан. Зээл авагч компанийн эзэмшигч, зээл олгогч банкны газрын даргаар ажиллаж байсан нь ноцтой ашиг сонирхлын зөрчил юм. Өөртөө зээл олгоно. Өөрийнхөө зээлийг өөрөө төлүүлэх эрх үүрэгтэй байсан. Хөгжлийн банкыг өрөнд бариулж, өтөнд идүүлдэг луйврын сүлжээ ийм зохион байгуулалттайгаар ажилладаг аж.
Жинхэнэ цаад эзэн нь “Сахал” Д.Эрдэнэбилэг боловч Хөгжлийн банкинд 213 тэрбум төгрөгийн өртэй “Кью Эс Си” компани дөрвөн эзэмшигчтэй.
н.Бат-Оргилын “Оргил Смарт Солюшн” 30%, “Ти Ди Би Секьюритс” 30%, “Юнайтед Секьюритс” 30%, “Улаанбаатар капитал” компани 10 хувийн хувьцааг хувааж эзэмшдэг байна. Хөгжлийн банкны ТУЗ-ийн дарга, Эрдэнэтийн 49%-ийн төлөөлөл Б.Шинэбаатар, “Монголын зэс” корпорацийн ТУЗ-ийн дарга М.Мөнхбаатарын эхнэр, өрийн эрсдэлийн мэргэжилтэн Ц.Одмаа, Эрсдэлийн газрын дарга Бат-Оргил гэх зэргээр сүлжээний нэрс цувардаг.
“Кью Эс Си” компани Хөгжлийн банкаас 2014 оны 3 дугаар сарын 12-нд 71,3 сая долларын зээл авснаас өнөөдрийн байдлаар 74 сая 967 мянга 579 доллар буюу 213 тэрбум 620 мянган төгрөгийн өртэй. Хөгжлийн банкинд “сахал” Д.Эрдэнэбилэгийн “Кью Эс Си” 213 тэрбум, “Хөтөл” 295,7 тэрбум, Худалдаа хөгжлийн банк 6 тэрбум төгрөгийн зээлтэй байна.
Үүнээс 508,7 тэрбумын зээл нь чанаргүй буюу улаан ангилалд орсон. Зээлийг зориулалтын бусаар зарцуулсан гэх үйлдэлд нь эрүүгийн хэрэг үүсгэн шалгаж байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
