Өнгөрсөн долоо хоногт Дарханы Төмөрлөгийн үйлдвэрийг төрд эргүүлэн авах түр хорооноос аймгийн Засаг дарга Б.Азжаргал, Худалдаа хөгжлийн банк, Улаанбаатар хотын банкны эзэн Д.Эрдэнэбилэг нарт Төмөрлөгийн үйлдвэрийг төрд буцааж авах, концессийн гэрээг хүчингүй болгох шаардлага хүргүүлээд байсан.
Энэ дагуу өнөөдөр Дархан-Уул аймагт “Иргэдийн индэр” нээлттэй хэлэлцүүлэг болж байна.
Энэ хэлэлцүүлэгт Дархан-Уул аймгийн Засаг дарга Б.Азжаргал болон Дарханы Төмөрлөгийн үйлдвэрийн захирал Н.Отгонбаяр, н.Энхчулуун тэргүүтэй удирдлагууд оролцож байна.
Нээлттэй хэлэлцүүлгийн үеэр “Кью Эс Си” ХХК нь өөрсдийн хэрэгжүүлж байгаа төсөл хөтөлбөрийн талаар танилцуулж, иргэдтэй санал солилцох юм. Гэвч Дархан-Уул аймгийн иргэд “Кью Эс Си” ХХК нь Дарханы төмөрлөгийн үйлдвэрт өөрийн мөнгөөр хөрөнгө оруулан, арматур, ган бөмбөлөг гэх мэт эцсийн бүтээгдэхүүн гаргадаг болгоно гэсэн гэрээний үүрэг нь хоосон үлгэр болсон.
Төмөртэйн ордын 33,4 км төмөр замыг өөрийн хөрөнгөөр барьж, 30 жил ашиглаад улсад үнэ төлбөргүй буцааж олгоно гэж худал амалж, Хөгжлийн банкнаас 2014 онд 71.3 сая долларын зээл аваад одоог хүртэл төлөөгүй. Улсад үнэ төлбөргүй буцаан шилжүүлэх гэрээгээ өөрчлөн, 40 тэрбумын өртгөөр барьсан төмөр замыг 113 сая доллараар улсад 8 дахин нугалсан өндөр үнээр шаглаж шахсан.
Автозам, цахилгаан шугам зэргийг мөн ийм луйвраар улсад дамлан зарж, нийтдээ 250 гаруй тэрбум төгрөгийн хохирол учруулсан. Тиймээс концессын гэрээг цуцлах үндэслэлтэй гэж үзэж байгаа юм байна.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
