Сангийн сайд Б.Жавхлан Дарханы төмөрлөгийн үйлдвэрийн талаар мэдээлэл өглөө.
Тэрбээр "Засгийн газрын хуралдаанаар Дарханы төмөрлөгийн үйлдвэрийг төрийн мэдэлд авахаар шийдвэрлэсэн. Өөрөөр хэлбэл, концессын гэрээ байгуулах тухай Засгийн газрын тогтоолыг хүчингүй болгосон. Энэ шийдвэртэй холбогдуулан Дарханы төмөрлөгийн үйлдвэр” ХК-ийн удирдлагын эрх болон хөрөнгийг “Кью эс си”компаниас шилжүүлж авахыг холбогдох хүмүүст Засгийн газрын хуралдаанаас үүрэг болгосон. Ажлын хэсэг өнөөдөр Дарханы төмөрлөгийн үйлдвэрт ажиллаж байна.
Концесс эзэмшигч Кью эс си компани нь гэрээнд тусгасан 6 үйл ажиллагаа буюу эцсийн бүтээгдэхүүн үйлдвэрлэх үйлдвэрүүдийг барьж байгуулах гэрээний нөхцлөө биелүүлээгүй. Тухайлбал, концесс эзэмшигч нь гэрээний ерөнхий нөхцөлд заасан жилд 500 мянгаас доошгүй тонн хүчин чадал бүхий шууд ангижруулсан төмрийн үйлдвэр барих, “Дарханы төмөрлөгийн үйлдвэр” ТӨХК-ийн хүчин чадлыг жилийн 300 мянган тоннд хүргэх өргөтгөл, шинэчлэл хийх, төмрийн хүдэр боловсруулж эцсийн бүтээгдэхүүн гаргах, зэрэг ажлыг огт хэрэгжүүлээгүй байгаа нь концессын гэрээг цуцлах үндэслэл болсон.
“Кью эс си” компани нь Дарханы төмөрлөгийн үйлдвэрийг өргөтгөх, уул уурхай, металлургийн цогцолбор байгуулах төсөл”-ийг хэрэгжүүлэхэд чиглэсэн арга хэмжээг гэрээ байгуулсан оноос хойш найман жилийн хугацаа өнгөрөхөд бүрэн хэрэгжүүлээгүй учраас төслийн үйл ажиллагаа зогсонги байдалд орсон, цаашид уг компани төслийг хэрэгжүүлэх боломжгүй гэж үзсэн" гэлээ.
Дарханы төмөрлөгийн үйлдвэр бүрэн хүчин чадлаараа ажиллавал дотоодын төмөрлөгийн хэрэгцээний 20-30 хувийг хангах боломжтойг онцлов.
Like
1
Зөв
0
0
Буруу
0
Воов
0
Уйтгартай
0
Дуртай
Төмөрлөгийн үйлдвэрээ түшиглээд жижиг төмрийн цехүүд олноор хөгжүүлбэл жич нэг бичил үйлдвэр нь хашааны торон хайс хийж байхад нөгөө нь шон труба ч гээд л зохицуулалт байхад л.
© 2013-2023. Вэб сайт бүтээсэн: Tsast Solution LLC
