Улсын ерөнхий прокурор асан М.Энх-Амгалан, Зам тээврийн дэд сайдаар ажиллаж байсан А.Гансүх нарыг Авлигатай тэмцэх газраас шалгаж эхэллээ.
“Буурал” гэгдэх А.Гансүх нь 2017 онд Шинэ төмөр замын хэрэгт нэр холбогдож эрх мэдэл, албан тушаалаа ашигласан гэх үндэслэлээр шалгагдаж байгаад яллагдагчаар татсан байдаг.
Гэтэл түүний хэргийг прокурорын шатанд хааж, хэрэг “ЗАМХРАВ”. Яагаад хэрэг хаагдсаны ард тухайн үед Улсын ерөнхий прокуророор ажиллаж байсан М.Энх-Амгалан холбоотой байж мэдэх баримт гарч иржээ.
Тодруулбал А.Гансүх нь хэргээ хаалгахын тулд М.Энх-Амгаланд авлига өгсөн байж болзошгүй байгаа юм. А.Гансүхэд холбогдох хэрэг Нийслэлийн прокурорт шилжсэн өдөр Ерөнхий прокурор асан М.Энх-Амгалангийн дүү М.Бат-Амгалан нь хотын төвийн “А” зэрэглэлийн бүсэд 10 га газартай “Нью даун таун” ХХК-ийн 16 хувийн эзэмшигч болсон байж болзошгүй. Гэтэл уг компанийн эзэмшигч нь А.Гансүхийн дүү А.Ганболдын компани байж болзошгүй гэх мэдээлэл гараад байгаа юм.
Улмаар авлига, ашиг сонирхол орсон байж магадгүй гэж үзэн Улсын ерөнхий прокурор асан М.Энх-Амгаланг АТГ-аас шалгаж эхэлжээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
