Өнгөрсөн долоо хоногт Засгийн газраас хувийн хэвшлийн байгууллагын ажилтнуудын НДШ-ийн 50 хувийг буцаан олгоно хэмээн танилцуулж байв. Гэтэл 2022 оны төсвийн тодотгол өргөн барьсан энэ үед 1 сая хүртэлх цалинтай төрийн болон хувийн хэвшлийн ажилтнуудын НДШ-ийн 50 хувийг буцаан олгоно гэж оруулж ирсэн байна. Өөрөөр хэлбэл цалингийн их бага хэмжээгээр нь иргэдийг ялгаж үзсэн нь энэ.
Энэ талаар Хөдөлмөр, нийгмийн хамгааллын сайд А.Ариунзаяа өнөөдөр мэдээлэл өгсөн. Тэрбээр “Олон санал хүлээн авч, намын бүлэгтэй ярилцсан. Энэ хүрээнд байгууллагаар нь хязгаарлах бус харин цалингийн хэмжээгээр нь хязгаарлахаар болсон. Ингээд нэг сая болон түүнээс доош цалинтай иргэдийн НДШ-ийг буцаан олгохоор боллоо. Тодруулбал, тухайн иргэн эхлээд НДШ-ээ төлөх ёстой. Дараа сард буцаан олголтыг нь хийнэ гэдэг агуулгаар хуулийн төсөл өргөн барилаа” гэв.
Хуулийн хүрээнд албан журмын даатгагч 715 мянган иргэн, сайн дурын даатгуулагч 147 мянган хүн хамрагдана. Үүнд, төсвөөс 172 тэрбум төгрөг зарцуулж, 2022 оны төсөвт 150 тэрбум төгрөг, 2023 оны төсөв дээр 21 тэрбум төгрөгийн төсөв тавигдаж байгаа юм.
НДШ төлөгч иргэд эхлээд НДШ-ээ бүтэн төлнө. Төлсөн хэмжээнээс 50 хувийг нь буцаан олголт хэлбэрээр дараа сард тухайн иргэний дансанд орох аж.
НДШ-ийн дарамтыг багасгах, хувь хэмжээг бууруулах алхамыг жагсагчид тавьсан. Гэтэл нүгэлийн нүдийг гурилаар хуурна гэгчээр 50 хувийн буцаан олголтыг олгох нэрээр аргацааж байх. Ийм явцуургүй шийдвэр гаргалаа гэж үү А.Ариунзаяа сайдаа?
Like
0
Зөв
0
1
Буруу
0
Воов
0
Уйтгартай
0
Дуртай
Одоохон ахиж жагсвал оёиход бэлэн байнаа.
Үндсэн хуулийн өдөрт зориулсан үндэсний бөхийн барилдаанд улсын арслан Ц.Бямба-Отгон түрүүллээ
© 2013-2023. Вэб сайт бүтээсэн: Tsast Solution LLC
