НИТХ-ын төлөөлөгч, Багануур дүүргийн Засаг дарга С.Даваасүрэн өнгөрсөн хугацаанд гэр бүлийн хамтаар ЭМТ-д өвчтөний хяналтын монитор хандивлан, төрөх тасгийн амрах өрөөг тохижуулж байсан бол Багануур-Ус, Багануур тохижилт ААТҮГ-ын захирлуудтай хамтран био эмчилгээний болон даралтын суурин аппаратуудыг хандивлаж байсан билээ.
Өнөөдөр Багануур дүүргийн Гүн галуутай ЦС, Боловсрол ЦС, Оюуны эрин ЦС, Сод бүрэн дунд сургуулийн 12-р ангийн хүүхдүүд дүү нартаа зориулан элсэлтийн ерөнхий шалгалтад бэлтгэх, мэргэжил сонголт, хөдөлмөрийн зах зээлийн эрэлт, гадаад, дотоодын их дээд сургуульд тэтгэлгээр суралцах боломж, шинэ оюутанд зориулсан зөвлөмж, сурах арга барилын талаар лекц уншлаа.
Эдгээр мэдээллийг агуулсан Шинэ алхам-2022 гарын авлага номыг хувийн зардлаар хэвлүүлэн үнэ төлбөргүйгээр гардуулсан юм.
Түүнчлэн Багануур дүүргийн Социал демократ залуучууд ТББ-ын тэргүүн, дүүргийн ИТХ-ын төлөөлөгч П.Төгөлдөр холбооны үйл ажиллагааг танилцуулж, ЭЕШ-нд өндөр оноо авсан 25 сурагчдад залуучуудынхаа хамтаар сургалтын төлбөрт зориулж мөнгөн тэтгэлэг олгохоо илэрхийллээ.
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
