Монгол Улсын Засгийн газраас 2022 оны төсвийн тодотголыг өргөн барьж хэлэлцэж байгаа. Энэ хүрээнд анх удаагаа Төрийн хэмнэлтийн тухай хуулийг батлах байна. Тэгвэл уг хуульд Албан тушаалтнуудыг амралт, сувиллын газарт эсхүл өөрийн болон эхнэр, нөхрийн төрсөн нутагт амрах тохиолдолд замын зардлыг нь санхүүжүүлэхгүй гэж заажээ.
Өөрөөр хэлбэл төрийн албан хаагчид, дарга нар төрсөн нутагтаа очих зардлаа төрөөс даалгадаг болж байна.
Тэгвэл энэ талаар өнөөдрийн байнгын хорооны хуралдаанаар хэлэлцлээ. Энэ үеэр УИХ-ын гишүүн М.Оюунчимэг “Энэ хуулийн 12.1.1-т гар утасны зардал, албан бус авто тээврийн хэрэгслийн шатахууны төлбөр, ээлжийн амралтаараа дотоодын амралт сувилалын газар, эсхүл өөрөө болон эхнэр нөхрийн төрсөн нутагт амрах бол түүний очих, ирэх зардал зэрэг орсон байна. Жишээлбэл УИХ-ын гишүүд хэзээ ч эхнэр нөхрөө төрийн зардлаар даагаад гадаад дотоодод явдаггүй, утасны төлбөрөө ч төлүүлдэггүй. Төрийн албан хаагч нар та нар ингээд яваад байдаг юм уу? Үүнд тодорхой хариулт өгч заагламаар байна. Энэ чинь нийтээрээ буруу ойлголттой, үзэн ядалт төрүүлээд байна" гэв.
Энэ талаар Сангийн дэд сайд С.Мөнгөнчимэг “Утасны зардалд төрийн өмчит болон орон нутгийн өмчит газруудад байдаг юм билээ. Энэ нь аудитын дүгнэлтээр тогтоогдсон. Харин ээлжийн амралтаараа дотоодын амралт сувилал эсхүл өөрийн, эхнэр нөхрийн төрсөн нутагт амрах бол түүний очих ирэх зардалыг олгох тухай заалт Төрийн албаны тухай хуулийн 59.1-т тусгагдсан байгаа. Төрийн албан хаагч хуулийн дагуу энэ мөнгөө авья гэвэл өгөхөөс өөр аргагүй. Гэхдээ сүүлийн хоёр жил хэмнэлтийн горимд ажиллаж байгаа учраас хоёр жилийн төсөвт ийм төрлийн зардал тусгагдаагүй" гэлээ.
Төр.мн
Like
0
Зөв
0
0
Буруу
0
Воов
0
Уйтгартай
0
Дуртай
© 2013-2023. Вэб сайт бүтээсэн: Tsast Solution LLC
