Өчигдөр буюу 2022 оны 04-р сарын 26-нд NTV телевизийн "Улаан бал" нэвтрүүлгийн зочноор Нийслэлийн засаг дарга, Улаанбаатар хотын захирагч Д.Сумъяабазар оролцсон юм. Энэ үеэр тэрбээр Smart city буюу “Ухаалаг хот”-ын талаар ярьсан юм.
Тодруулбал, Бүхий л салбарын асуудлыг хялбаршуулсан байдлаар шийдэх аж. Үүний нэг ажил нь авто замын “Камер” солих тухай ярьсан юм. Энэ тухай ярихдаа одоо байгаа нэгдүгээр эгнээний камерууд ажилладаггүй гэх сүржин мэдэгдэл гаргасан. Гэтэл 1,5 сая мянган иргэдтэй Их хотын хөдөлгөөнд оролцож буй жолооч нарын ягштал баримталдаг зүйл бол яахын аргагүй нэгдүгээр эгнээний камерт өртөхгүй байх явдал. Эгнээ байраа буруу эзэлснээс болж зөрчил гаргасан тохиолдол жолооч нарын бүртгэлтэй утсанд торгуулийн хуудас нь тэр дор нь ирдгийг хүн бүр мэдэх атал хотын захирагч хээ нэг хөтлөгч рүү нүд цавчихгүй худал хэлсэн нь олны дургүйцлийг хүргээд авлаа.
Уг ухаалаг камержуулах төсөл нь 100 сая долларын зээлээр бүтэх аж. Угтаа уг зээлийг жолооч нар төлөх нь тодорхой юм. Яаж гэж үү? Мэдээж торгуулиар нь төлөх юм. Мөн уг камер ажиллаад эхэлбэл 1600 орчим замын цагдаа нар ажилгүй болох тухай ч ярилаа.
Ухаалаг камержуулалт тавих нь нэг талаараа сайн ч нөгөө талаараа мөнгө идэх нэг хэлбэр хэмээн олон нийт үзэж байгаа юм. Учир нь одоо байгаа нэгдүгээр эгнээний камерыг мөн л тухайн үед сүржин юм ярьж байршуулж түүнд ч жолооч нар дадлаа болгон хэвшиж, торгуулиа цаг тухайд нь төлж байсныг үгүйсгэх нь хотын даргын хувьд явуургүй үг ашиглаж олны дургүйцлийг хүргэж байгаа нь харамсалтай юм. Ямарваа нэг ажлыг эхлүүлээд ажлын гүйцэтгэлдээ анхаарч, ухаалгаар дарга нар ажиллах хэрэгтэй. Учир нь нэг өдөр сэрээд өр дээр өр нэмж ажил эхлүүлчхээд үр дүнгийг нь үзэлгүй өөрчилж байдгаа болих хэрэгтэй юм.
Олон тэрбум төгрөгөөр дахин, дахин шинэчлэлт гэх нэрийдлээр бүтээн байгуулалт хийчхээд, өдрийн хоолондоо ч хүрдэггүй цалинтай иргэдийн халаасанд байгаа цөөхөн хэдэн төгрөгөөс нь хумслаж ажил хийдгээ болох хэрэгтэйг иргэд байнга сануулсаар байгааг Их хотын удирдагч танд уламжилъя...
Like
1
Зөв
0
0
Буруу
0
Воов
0
Уйтгартай
0
Дуртай
Г.Занданшатар: Хүн сольсноор асуудал шийдэгдэхгүй, тогтолцоогоор нь авч үзэх хэрэгтэй
© 2013-2023. Вэб сайт бүтээсэн: Tsast Solution LLC
